مافهمت والو في بلاد ميكي
03-01-2010, 10:55 AM
اولا اسمحولي خاوتي على عنوان الموضوع فلا اعتقد ان هناك جزائري لا يعتز بوطنه
السبب انه ومنذ تاهلنا التاريخي وبعد مرور فترة الافراح انقلب كل شيء في البلد في الاول اطل علينا وبالجلمة النقاد والخبراء الفنيين بجملة من المشاكل كل واحد يقول انا اعلم بمصلحة المنتخب ولازم ولازم ..... من قضية لحسن حتى قضية التجنيس حتى قضية اللاعبين المحلين ثم قضية مكان التربص واحد يقلك الدعوة راها باردة يعني كل واحد يقول انا وانا والكل يقول ان له دور في التاهل وكل واحد يحكي على التاهل سياسين نواب شعب سمعت مرة انو واحد حبسوه من الخدمة وكتب في احد الجرائد انو حاب يرجع لخدمتو لان المنتخب تاهل للمنديال هههههه يخي يخي
وسبحان الله حتى الشيعين حبو يستثمرو في هاذا الوقت واعتقد ان منتدنا كان في هذا المشكل مع تلك المدعوة بربوشة الى جات تقول راهم الشيعة هم الى اهلو المنتخب الوطني والحمد لله تم توقيف عضويتها من طرف المشرفين والله اعلم ماذا حدث مع اعضاء منتدانا لاني تكلمت معها على الخاص لادافع عن منتدانا وياليتني لم افعل صدقوني لقد عرضت عليا المال لانضم الى الشيعة والمشكل انها تتكلم باسم التاهل هههههههههههههههههه اتمنى فقط ان لايكون احدهم قد انجر وراء كلامها المعسول
ومباعد قلنا الحمد لله بدأ المعسكر واختار سعدان القائمة سكتو شويا وهدات الامور درك جاء وقت الجرائد ودوروها على سعدان احداهم قالت راه يعيط على اللاعبين وعاد يشبه للديكتاتور واخرى تقول راه سعدان رايح يدرب فريق الامارات
والله العظيم غير تعبت تعبت
انا لحد الن مافهمتش السبب وراء كل هذا قلت السبب مادي وهنا اتكلم على جراءد الفتنة وانهم حابين يديرو لفار على حساب المنتخب مع اني متاكد مش هادا هو السبب لانه وبكل بساطة الشعب كامل يشري الجورنال لانه متعطش لاي يخبر على المنتخب يعني يكتبو صحيح او غالط الناس رايحة تشري رايحة تشري
يعني الشىء الى فهمتو ان لما كنا نقولو كرعين لمعيز كنا لباااااااااس باين ماعدنا منتخب مانا لاهين بيهم ودرك الحمد لله عدنا منتخب نفتخر بيه كل يوم تخرجنا هدرة جديدة رانا كرهنا رانا كرهنا الف مرة نقولوها اخطونا رحمة على والديكم
هادا كامل ورانا محكيناش على هادوك الى متسماوش سبحان الله موقع في النت يهز زوج او ثلاث تعليقات منسوبة او هي لجزائرين ويكتبو عليها مقال ويقولو الجزائرين سوف يشجعون م ص ر حشاكم وينتشر المقال بسرعة البرق في كل المنتديات ويقولو رانا خاوة وامة عربية ومعلباليش والله امر غريب انا عارف انو الجزائرين بقلبهم الابيض سمحو للارهاب لقتل وخرب ودار ودار بصح عمرهم لا يسمحو لواحد سب ثورتنا وشهدائنا انا واحد منهم مانسمحش ببساطة جدي شهيد وكل واحد فينا متاكد انو في عائلتو واحد مجاهد او شهيد او خدم في الثورة وهادوك الناس ماتو ربي يرحمهم هم مايقدروش يدافعو على انفسهم انا ندافع عليهم وكي نموت يدافعو عليهم اولادي وهي ماشية
حاجة اخيرة اسمحولي راني كتبت بالدارجة وممكن تلقاو النص مليء بالاخطاء
كيما يقولو درت مجزة في حق اللغة العربية لانه ببساطة قلبي معمر وحبيت نفرغ
السلام عليكم وتحيا الجزائر
السبب انه ومنذ تاهلنا التاريخي وبعد مرور فترة الافراح انقلب كل شيء في البلد في الاول اطل علينا وبالجلمة النقاد والخبراء الفنيين بجملة من المشاكل كل واحد يقول انا اعلم بمصلحة المنتخب ولازم ولازم ..... من قضية لحسن حتى قضية التجنيس حتى قضية اللاعبين المحلين ثم قضية مكان التربص واحد يقلك الدعوة راها باردة يعني كل واحد يقول انا وانا والكل يقول ان له دور في التاهل وكل واحد يحكي على التاهل سياسين نواب شعب سمعت مرة انو واحد حبسوه من الخدمة وكتب في احد الجرائد انو حاب يرجع لخدمتو لان المنتخب تاهل للمنديال هههههه يخي يخي
وسبحان الله حتى الشيعين حبو يستثمرو في هاذا الوقت واعتقد ان منتدنا كان في هذا المشكل مع تلك المدعوة بربوشة الى جات تقول راهم الشيعة هم الى اهلو المنتخب الوطني والحمد لله تم توقيف عضويتها من طرف المشرفين والله اعلم ماذا حدث مع اعضاء منتدانا لاني تكلمت معها على الخاص لادافع عن منتدانا وياليتني لم افعل صدقوني لقد عرضت عليا المال لانضم الى الشيعة والمشكل انها تتكلم باسم التاهل هههههههههههههههههه اتمنى فقط ان لايكون احدهم قد انجر وراء كلامها المعسول
ومباعد قلنا الحمد لله بدأ المعسكر واختار سعدان القائمة سكتو شويا وهدات الامور درك جاء وقت الجرائد ودوروها على سعدان احداهم قالت راه يعيط على اللاعبين وعاد يشبه للديكتاتور واخرى تقول راه سعدان رايح يدرب فريق الامارات
والله العظيم غير تعبت تعبت
انا لحد الن مافهمتش السبب وراء كل هذا قلت السبب مادي وهنا اتكلم على جراءد الفتنة وانهم حابين يديرو لفار على حساب المنتخب مع اني متاكد مش هادا هو السبب لانه وبكل بساطة الشعب كامل يشري الجورنال لانه متعطش لاي يخبر على المنتخب يعني يكتبو صحيح او غالط الناس رايحة تشري رايحة تشري
يعني الشىء الى فهمتو ان لما كنا نقولو كرعين لمعيز كنا لباااااااااس باين ماعدنا منتخب مانا لاهين بيهم ودرك الحمد لله عدنا منتخب نفتخر بيه كل يوم تخرجنا هدرة جديدة رانا كرهنا رانا كرهنا الف مرة نقولوها اخطونا رحمة على والديكم
هادا كامل ورانا محكيناش على هادوك الى متسماوش سبحان الله موقع في النت يهز زوج او ثلاث تعليقات منسوبة او هي لجزائرين ويكتبو عليها مقال ويقولو الجزائرين سوف يشجعون م ص ر حشاكم وينتشر المقال بسرعة البرق في كل المنتديات ويقولو رانا خاوة وامة عربية ومعلباليش والله امر غريب انا عارف انو الجزائرين بقلبهم الابيض سمحو للارهاب لقتل وخرب ودار ودار بصح عمرهم لا يسمحو لواحد سب ثورتنا وشهدائنا انا واحد منهم مانسمحش ببساطة جدي شهيد وكل واحد فينا متاكد انو في عائلتو واحد مجاهد او شهيد او خدم في الثورة وهادوك الناس ماتو ربي يرحمهم هم مايقدروش يدافعو على انفسهم انا ندافع عليهم وكي نموت يدافعو عليهم اولادي وهي ماشية
حاجة اخيرة اسمحولي راني كتبت بالدارجة وممكن تلقاو النص مليء بالاخطاء
كيما يقولو درت مجزة في حق اللغة العربية لانه ببساطة قلبي معمر وحبيت نفرغ
السلام عليكم وتحيا الجزائر