محتار أنا محتار
03-10-2009, 12:36 PM
محتار أنا محتار
ياخاوتي واش اللي صار
هذا وقت علينا جار *** والعيشة زايدة تمرار
عقلي من المحنة طار *** وليلي ولالي نهــار
تلقى لعنـدو حقــار *** والفقير زايد تكسار
حاشـا لي خافو القهــار *** مازال في وطني لحرار
محتارأنا محتار
ياخاوتي واش اللي صار
تغيرنا في شاو نهار *** دانا حب الدينار
إنسينا الأهل كرهنا الجار *** ونسينا المولى الجبار
هجرنا مجلس الأخيار *** وجملنا مجلس الاشرار
محتار أنا محتار
ياخاوتي واش اللي صار
الجاهل إصبح دبار *** يحكي وزايد تكبار
ماهو فاهم اللي صار *** مخلوع بذاك الدينار
ولا منصب دارو دار *** ساكن فيه طول نهار
محتار أنا محتار
ياخاوتي واش اللي صار
الفاهــم زايـد ينهــار *** إخير بين الحرقة والإنتحار
مهمش مرمي في لوكار *** خصارة علمو ياحضـار
حياة فاتت تحصـار *** وضاعت منوا لفكار
صابـر للمولـى الجبـار *** يرحموا من هذي لضرار
محتار أنا محتار
ياخاوتي واش اللي صار
ويـن راحـت هذيـك الأيـام***غابــت عنا ماشــي تبــــان
راحت عنا هذىسنين خلتنا كي ليتام***غادرتنا من غير وداع ولا كلمةفي لامان
إذا كان حكم الإله هو العادل والـقوام***راضي بحكمك ياقهارأرحمنا ونتا الرحمان
وإذاكان من الإنسان بكلو أخظاء وأثام***إغفـر لينا يا منان و رجعلي أيام زمـان
محتار أنا محتار
ياخاوتي واش اللي صار
كانـت الكلمــة بــارود *** كان خرجــة محـال تعـود
وكـان الراجــل مقـدود *** مــولا همــة كـرم جـود
بـاب الطمـع ديمـا مسـدود *** منـيف إيــوافي بلعـهـود
محتار أنا محتار
ياخاوتي واش اللي صار
أخيانــو إحــن عليهـم *** وجيرانــو ماهو ناسيهـم
أهــلو ديما زايـر ليهـم *** وصايـن صلـة لرحــام
بالنخـوة محـال ياخطيهـم *** معالـي راسـو محمي بيهـم
والـحرمـة لبـاس مغاطيهـم *** والنعـرة همـة تواتيهــم
محتار أنا محتار
ياخاوتي واش اللي صار
وين راحــت ذيك النســوان ***ستـرة وحشمـة يالخـوان
ورد مفـتـح فـي بســتان *** تتمنـا تشـوفـوا بلعيـان
لـؤلـؤ جـوهـر ومـرجـان *** وأطبـاعـو هـذاك الإيمـان
مهـمـا تعانـي من لمحــان *** صابـرة وزايـدة في الإحسـان
محتار أنا محتار
ياخاوتي واش اللي صار
جـوامعنـا راهـي مليانـة *** وقلـوبنـا راهـا خويانـا
ضيـعنـا هذيـك الأمانـة *** وضـرتنا كـثرة لفهـامـة
كل واحد يلـغي بلغـاه، هـذا***سني راوإحذاناولاشيعي روح معاه
يـــاك ربـي هو مـولانـا *** محمـــد رســول الله-ص-
وكــتابو مـازال معـانـا *** وربـي وحــدو لي حمــاه
والسنة زادت في دوانا *** ومايبقى غير وجه الله
محتار أنا محتار
ياخاوتي واش اللي صار
نطلب من ربي يهدينا *** وترجع الأيام الزينة
والرحمة تعم عليـنا *** وتولي لقلوب الحنينة
صلو على الهاشمي نبينا***محمـد بـابا فطيمـة
من غيرو ما يشفع فينا *** يوم نقابل مــولاه
إمضاء. / الفارس التائه