تسجيل الدخول

رسالة الوداع


فاليل وانا سهرانة مع النجوم
جاتني مع الريح بريا
قلت بالاك راني نحلم بالاك راني انوم
محال يكون هاذ المكتوب ليا
عليه اسم و تاريخ ليوم
وعنوانو راهو يحوس عليا
فتحت الظرف وبديت نقرا وقلبي مهموم
وبداو الدموع يسيلو من عينيا
حسيت روحي كي ذاك لعوام لي ما يعرفش يعوم
ضياق خاطري والدنيا دارت بيا
رميت المكتوب و قلبي يعاتب ويلوم
علاش ما قاليش و دار معايا النية
علاش خلّى سرو في قلبو مكتوم
علاش كواني بنار هاذ لكية
كان علابالو بلي قلبي بيه متعلق و مغروم
نفديه بروحي و نقعد ليه وفية
كنت حاسباتو ظالم كي خلّى قلبي مصدوم
كي خلاني وحدي في نص الطريق مرمية
وليوم عرفت بلي كان مظلوم
كي كان محير و خايف عليا
خبى مرضو المشؤوم
وبدا يجبد روحو غير بشويا
كان علابالو بلي حاجة ما دوم
كان علابالو بلي الموت راح يبعدو عليا
خلّالي قلبي مفراقو مقسوم
و هاذ لخبر لي جابتو لبرية
كان بدموع الوداع مختوم
حبيبي اليوم وفاتو المنية
يا ريتو خلاني نعيش معاه يالوكان يوم
نشوفو ونسمع صوتو لآخر ثانية
راح يبقى في حياتي مرسوم
ومحبتو تبقى في قلبي ديما حية
موراه قلبي راح يعيش ويبقى محروم
حتى نهار تخلاص هاذ الدنيا


بقلمي دوماااا

السلام عليكم

بارك الله فيك

محاولة جميلة مع تمنياتي المواصلة

و فيك بارك الله
شكرا لتواجدك ها هنا
محبتي

ااااااااااه يا دمعتي بكيتيني
فكلماتك مؤثرة جداً
دمعتي معليش سؤال
هل هذي حقيقية؟

سلامتك من الآآآه حبيبة قلبي
الله يخليك
و الله سررت بتواجدك بين ثنايا متصفحي
اما بالنسبة ادا كانت حقيقة ام لا فذلك سأتركه لك
محبتي و اكثر

أختي دمعة
بصراحة كان نصك رائعا من حيث المعنى والمبنى أيضا
يحمل في ثناياه نبرة موسيقية حزينة
وعتاب مؤلم ومفجع
في حبيب قرر ان يودع وينهي رحلته
بين أمواج قلبك فجأة
دونما سابق إنذار
لي ملاحظة فقط
ارجوا ان يتسع لك صدرك

النص بالعامية لكن العنوان جاء بالعربية الفصحى
وهنا يتباين الفرق ويتضح الخلل
كان الأجدر أن تختاري عنونا بالعامية
مثلا:
خلاني وراح...غدرني بفراقوا...ياريتني ماحبيتوا

المهم عنونا يعبر عن مضمون الكلام

صحيح اخي
معك حق
سأحاول تغيير العنوان
و شكرا لتواصلك الجميل
محبة لا تبور
لا عدمناك

شكرا لمرورك و تشجيعك اخي
محبتي

لم أقرأ لك من قبل هذا النوع من الشعر أو الخاطرة أو لا أدري ماذا

لكن يبدو أنك مبدعة في التعبير عن الاحاسيس ما شاء الله عليك

أحسنت