جديد الشاعر : احمد فؤاد نجـــم
08-12-2009, 12:27 AM
السلام عليكم
لست من متتبعي هذا النوع من الشعر وخاصة المصري لكن الاحداث الاخيرة جعلتنا نبحث اكثر عن كل ما هو مصري وقد وقعت على آخر قصيدة لأحمد فؤاد نجم على صفحات جريدة الخبر الاسبوعي وقررت نشرها هنا لمشاركة أكبر عدد من القراء في مطالعتها.
جديد الشاعر العامي المصري أحمد فؤاد نجم
لست من متتبعي هذا النوع من الشعر وخاصة المصري لكن الاحداث الاخيرة جعلتنا نبحث اكثر عن كل ما هو مصري وقد وقعت على آخر قصيدة لأحمد فؤاد نجم على صفحات جريدة الخبر الاسبوعي وقررت نشرها هنا لمشاركة أكبر عدد من القراء في مطالعتها.
جديد الشاعر العامي المصري أحمد فؤاد نجم
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده في إيده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بإيده
ومين فيكي يعني بيسمع آذان
*****
نبوس إيد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا في حالة غياب
متعملش لينا يا ريس حساب
دي عزبة سيادتك و فيها أنت حر
*****
ودستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و إيه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي
-------
تعليق على آخر سطر
ييجي الوريث ولا ما ييجي ذلك شأنكم المهم ما ييجي على حسابنا.
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده في إيده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بإيده
ومين فيكي يعني بيسمع آذان
*****
نبوس إيد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا في حالة غياب
متعملش لينا يا ريس حساب
دي عزبة سيادتك و فيها أنت حر
*****
ودستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و إيه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي
-------
تعليق على آخر سطر
ييجي الوريث ولا ما ييجي ذلك شأنكم المهم ما ييجي على حسابنا.
