تسجيل الدخول

الحمد لله أن أحدا لم يتجاوب مع الموضوع ليفسح المجال لي وحدي لأكون القاضي ىوالمتهم في نفس الوقت
رجاءا لا تتجاوبو مع الموضوع ولي عندو رد يحتفظ به لنفسه
شكرا

السلام عليكم أخي kader و الله أنا اليوم شوية زعفان و مقلق وحبيت نفش قلبي عندك
المهم يا أخي مين نبدالك من الدنيا لي راهي عاكستلي معرفت اذا من الزهر ولا من عند ربي
المهم يا خويا اذا كان من عند ربي مرحبا بيها واذا كان من الضروف ومن المجتمع الي رانا عايشين فيه
منكذبش عليك يا أخي و الله كرهت من كلش الكذب السرقة الخدع النفاق
لوكان تبانلي هربة و الله لي زدتو حكمتوه في هذي البلاد
هنا مكانش كيفاش تكون ناس ملاح لازم تكون ذئب تخدع تغدر تسرق تكذب باش تعيش مليح
بالاك تقولي جزائر يمانا وكانش كيفاه نسمحوا فيها أنا عندي يما وحدة وهذي اللي غلطونا بيها هما عايشين ويقولونا المصالحة جزائر العزة والكرامة واش من الكراتمة أيا فولكون يانامار من الخز نتاعكم خلااااااااااص

خويا لعزيز 007KAder قريت واش كتبت وقاسني كلامك بزاف أنا يا خو ندعي ربي يفرج عليك بصح حبيتك تعرف حاجة وحدة برك يا أخي أنا منقولكش أهرب من البلاد بصح ديرها مليح في بالك في الغربة دايما تبقى نتا البراني نتا عربي تروح وين تروح وتدير واش تدير في عينيهم دايمن عربي بربري
وجامي جامي يستعرفوا بيك هذا هو يا خو بلاد الناس للناس

شكرا أخي kader لتجاوبك مع الموضوع وحبيت نقولك واش قلت كامل علابالي
بصح لهيك ما يخدعوش ما يضروش في الظهر في وصتهم تعيش هاني لكن حتى لو تنظلم راك في بلاد الناس ماشي في بلادك

واش تحبني نقولك يا خو رنا في بلاد الله غالب

صدقني خويا kader وقول واش تحب البلاد هذي جامي شفت فيها حاجة مليحة من غير الحقرة أمالي متستناو مني والوا هوما السبة باش راح نولي هكذا

السلام عليكم أخي 007kaderتقبل اعتذاري لأني أطلت الغياب هذه المرة لكن أنت تعرف واش هو ضري واش الي بيا ادعيلي ربي يفرج عليا انشاء الله

لا بأس عليك أخي والله أنا في كل صلاة أدعيلك المهم هل من أخبار جديدة في موضوعك ذاك

آآآآآآآآآآآآآآآآآآآه يا خويا والله لا جديد يذكر وأنا أعيش حياة المجانين هذه الأيام دائم الحزن والنكد حالي كشجرة ذابلة أعياها العطش ولهيب الشمس فإنحنت أغصانها في انتظار الغيث
يا ريت أدري واش صرى على الأقل نعرف وين راني ندور أو وين نحط رجليا
آه يا أخي 007kader لقد صدق من قال أن المحن تأتي تباعا والله ان الصفعات تتهاطل عن اليمين وعن الشمال ما أن أحاول أن أستفيق من واحدة حتى تلحقها الأخرى
في بعض الأحيان أصل الى درجة التسائل هل أنا على صواب أم أني قد ارتكبت في حياتي جرما قد يكون القدر يقتص مني لذلك والله أن انسان طيب لا أتمنى غير الخير لي وللناس جامي في حياتي و لا طمعت في حاجة ماشي ليا علاه يصرالي هكذا أخي والله أنا ما ناوي غير الخير
وأنتا وربي علبالكم
ياك تعرفني يا أخي
وحالي يتلخص في كلمات المرحوم الهاشمي قروابي
يا الورقة نبكي و نكتب و دموعي مداد
يا الورقة بيك نتسبب يسعدلي ميعاد
يا روحي و جواب روحي
روحي للعنوان
ابكي في عوضي و نوحي
و احكي باللي كان
يا حمامة طيري و علي مسافتك بعيد
ارمي تحت الباب عقلي خلي جوابي يفيد
نوصل يا لوكان يوصل
و يجي بين ايديه
تقراه العدراء
و تحصل و تجاوب في الحين
في ذاك الميعاد نرجى
كل نهار بعام
كي نجي في بالها الغنجة نبقالها تخمام
شربنا من ماء العنصر
و قطعنا الورود
و كتبنا و بقى مسطر حبنا للخلود
اول انا و حبي و الحب ولد احرار
راه الله وكيل ربي
ما ناوي الشر .
هذي هي حالتي يا شريكي واش رح نزيدلك راك فاهم