على شاطئ البحر
02-03-2008, 09:34 AM
على شاطئ البحر

قعدت على شاطئ البحر وحيد نتفرج على مواجيه،موجة رايحة و جاية و الناس زاهية فرحانة.
حطيت يدي على خدي و ماقدرت نشوف الناس لقدامي غمضت عيني و بديت نحن للماضي.
حبيبتي لكانت الأولى لجات في تخمامي،خيالي هرب و هاجر عني وراح يحوس و يجول معاها في الماضي.
بديت نتفكر و نتذكر ما فوتناه في إتنين، يمات لكنا في الحب تايهين،يمات السعادة و الهناء.
تفكرت كلامها لعمري ما نسيتو،أشتقت للحظاتها و نضراتها.رحت نلوم في روحي و نتحسر كل شيء تهدم و تحطم كل شيء عاد من الأحلام.
اليوم قاعد وحدي على شاطئ البحر نمشي و ماهي بجنبي و مالقيت لمن نحكي و نشتكي.
بديت نسول في روحي :
وين مشات اليوم؟وين راهي اليوم؟واش حوالها؟ ولا هانية و فرحانة؟
ولا نساتني؟؟؟
مشى الوقت و الشمس غربت و النجوم و القمر طلت ولقيت روحي وحيد في مكاني،نهضت من بلاصتي و مسحت الدمعة من خدي و محيت ما كتبتو في الرمل بيدي.
عاهدت نفسي ما نتذكر الناسي لنكر حساني،ما نفرح لبكاني و تسلى بحالي و ما نحن لخدعني و مشى لغيري.
اليوم لابد نمشي و نبحث عن شريكة حياتي لي عنها تنسيني و تفرحني و تريح للأبد بجنبي.

بقلمي بورقى بشير
مواضيع العضو مشاركات العضو
من مواضيعي 0 قولـــي و عدلــي يـــا قمــــــــــر
0 قصتي معاك يا....
0 قصــــة حبنـــــا
0 ســـــــــــري المخبـــــي
0 سأبقـــــــــــــــــــــى أحبـــــــــك
0 الـــــقـــــــــــــرار