تسجيل الدخول

في بلادنا كلش ماشي.....


في بلادنا كلش ماشي..
حتى الزطلة و الكاشي...
كان مليح ولّا راشي...
شكون تراضي و شكون تحاشي..
مع من تهدر و شكون تفاشي...
شكون الراشي و شكون المرتاشي...
ينساو الخيرو يرمو الصاشي...
واش حكايت هاد الغاشي...؟؟؟
ما يخافو من لي خلق الماشية و لمواشي...
لبنادم ولّى ما يسواش..
ساكن في لقصور و لّى في لحواش...
لكبار يلمو الدراهم و يقولو مكاش...
و لبنات يتبعو في التمسخير و الحطة و التقلاش...
و الرجال ضاعو مع اللبسة و التبياش...
في المسلسلات التركية ولينا نتبعو كي لكباش...
هذا مهند ..هذا يحي و هذا ماعلاباليش واش...
على الشراب و الزنا..لوكان نبدا نحكي ما تفراش...
كي لي قرا كي لي ماقراش...
و حتى لدوك مافهامتش أنا وعلاش...
كي نروحو للجامعة الحشمة ما تبقاش..
كي لبنات كي الرجال...كي ولاد الحراش...
هادا جا و هادا ماجاش ...
بصح حاشة لي ما يستهلهاش...

بقلمي الحزين............

جميلة جدا
صحيح كل ما كتبتيه ة ربي يهدينا
بارك الله فيك

الأجمل مرورك العطر
شكرا كبيرة و لا تكفي
دمت

..كلش ماشي ..زطلة كاشي..دور دور..كلش ماشي

هي بالدات يا خو...
سعدت بمرورك العطر

تبقى لكلماتك وقعها الخاص على ضميرنا
بوركت يا غالية
محبّتي

..وي سيفري هي بالدات..

و يبقى لمرورك أثر مميز على صفحتي
و فيك بارك
سعدت كثيرا بمرورك العطر
دمت

أووووووووووو بيان سور...ههههههههههه

.. رانا نشوفوا الواقع ..ما نقدروش نكدبوا على رواحنا ونغطيو الشمس بالغربال..توت فاسو الله يعافينا..رباونا والدينا في الحرمة..محال مهما صرا نهتكوا حرمة التربية ونغشوا والدينا ..هوما تاج راسنا وهوما تاكلين علينا..والي بلاه الله ..الله يهديه ويفرج عليه..راهم منا محال ننكروهم ..ونجحدوهم..