تسجيل الدخول

عمى "السا"
كان نائما قبيل الفجر لكن ايقضه صوت النشيد الوطنى.المنبعث من مذياعه المهترئ.أيقض عياله حتى تحضر له القهوة " ماحبيتش نقول اسمه زوجته "عمى السا" مايحبش نقول اسم عياله في القصة وبقي هو في الفراش يشعر بالاعتزاز والفخر والوطنية وتضحيات الشهداء كل هذا يشعر بيه حين يسمع النشيد الوطنى..ويمنى النفس بانتخابات قريبة حتى يثبت وطنيته..ويكون شوكة في حلق الاعداء
والمتربصين بالوطن
وبعد النشيد .استرسل المذياع في بث الاغانى ،كانت رائحة المسمن تنبعث ،ورائحة القهوة
لكن نشرة الاخبار عكرت مزاج عمى" السا"
وقام مسرعا الى زوجته "واش راكى تديري حبسي عندك"
"واشنو ياراجل غير الخير ضربوك الجنون"
"حبسي ينعل جد بابك الحلوف ماسمعتيش واش راهم يقولو في نشرة"
ردت وعلامات الحيرة والتعجب بادية على وجهها"واش راه يقولو"
"راهم يقولو نقصو في ماكلة"
"علاش احنا كلينا باش يقولونا حبسو الماكلة"
"واش معنتها هذى راكى حابة تقولى مانيش نوكلك ورهج لى رانى نجيبولك كل يوم يانكارة الخير"
"رانا نعلفو احنا ماناش ناكلو لوكان تشوف سميرة تى في واش راهم ياكلو ناس تحس بروحك راك تعلف ماراكش تاكل"
غضب عمى السا وشعر بالاهانة وقلب الطاولة وعياله راحت زعفانة الى غرفة النوم
ولانه دائما في المجازر والكوارث التى تحدث ناجى وحيد،فإن الناجى من مائدة عمى السا كانت "حبة مسمن"
حملها عمى السا وقال" رغم التقشف بصح جمونفو ماشي خسارة حبة مسمن في عمري " وراح يقضمها

ههههههه عمي "السا" و عياله شخصيتين فريدتين
جميل طريف و ظريف ما قرأته هنا

ههه
يعطيك الصحة مبدع حتى في الروايات
موفق

لديك اسلوب بقدر بساطته راق
اضحكتني والمتني هي فعلا حياتنا رسمتها في قصة عمي السا
""سيرتو على سميرة تي في ""كاينة منها
متتبعة لقلمك الغريب العجيب الذي لا يكف عن ابهاري

ههههههه
جميل جدا ما كتبته أخي