تسجيل الدخول

حجاب بنت بلادي........


راني فتحت الباب
باش نحكو على الحجاب
ما فهمتش تخمام لبنات
يحرفو فيه كيما جات
شوفو كيفاش راهو يندار
حتى الشيطان فيها تعجّب و حار
تزيّر عليها السروال سليم
كيما تتزيّر الشدّة على حرف الميم
تزيد تضربلك فيها بودي
كي تشوفها تحسبها يهودي
تخرجلك شعرها من الخيمار
باش المعجبين يوليو عليها كتار
تكتر في وجهها لألوان
حتى تولي كي لبهلوان
تلقاها بروحها مبهورة
و تقولك الحمد لله لي راني مستورة
و إذا لبستلك الفيزو
تم تم يروحلها الريزو
و إدا لحق الصيف
غير أستغفر و قول يا لطيف
تولي تلبسلك أترونسبارو
حتى الناس كامل فيها حارو
و تزيد تخفف حتى الشال
مسكينة من السخانة تذبال
قولولي يا ناس
و نحولي من راسي الوسواس
الحجاب ليوم رجع مودا
و المدة ديالو راهي محدودة
و لّا أنا لي عقلي تبحر
و رجعت عبد قديم و متأخر
نسيت بلي رانا في وقت الحضارة
و تخمامي هذا يروح يدير فيها دارا
بصح العيب على الرجال
لي وصلونا لهاذ الحال
لوكان جاء عندهم النيف
يسترو بناتهم باسّيف
و إدا حبو يديرولهم الحجاب
يطبقوه كيما مذكور في لكتاب
و لي راهي دايراتو بهاد الوصف
حالتتها صعيبة و تخوّف..
غير تروح تستغفر مولاها
و تبعّد على الناس بلاها
الحجاب سترة و عفة و عبادة
ماشي حاجة تندار بالإرادة
و كي قال ربي طبقوه و ديروه
علاش رانا حابين نغيروه..؟؟
نلبسوه كيما يلزم
و الحاجة هاذي علينا تتحتم
خاطرش رانا عايشين في غابة
ما كترو فيها غير الديابة
هاذ لكلام خطأ و لاّ صواب
راني نستنى في الجواب
و أسمحولي على الهدرة هديا
أدا كان فيها بزاف سخرية
و نشالله يكون كلامي فيه فايدة
ماشي غير هدرة زايدة
نخليلكم أحلى سلام
باش يكون مسك الختام



بقلمي دوماااا

بنت بلادي بالحجاب
تخطف، تسحر كل ألباب
عليها بكلامي و جواب
عليها ندير اليوم غنية
بنت بلادي تسحر فيا
زين و طاي و بالعقلية
بنت اﻷصول الذهبية
راهو كﻻمي عليك انتيا
يا من سترك يعجب فيا
بطهورك نلقاك نقية
رزينة و باﻷخﻻق غنية
عربية وﻻ شاوية
بنت قبايل و دزيرية
مالصحرا وﻻ سوفية
بنت بلادي و تبسية
بنت بلادي تسحر فيا
زين و سترة و بالتريبة

شكرااااااااااااااا

كلمااااات جد جميلة
راااااق حتى في مرورك
محبة لااا تبور

العفو منك
شكرااااا لمرورك
مودتي