الشاعر أحمد فؤاد نجم بوهران
03-02-2009, 01:04 PM
ستقام غدا 04 فبراير أمسية شعرية بالمسرح الجهوي عبد القادر علولة بوهران على الساعة الثانية زوالا.يدعو منتدى اللغة والأدب أعضاء وهران والولايات المجاورة
حضور الأمسية التي يحييها الشاعر المصري أحمد فؤاد نجم .
وبهذه المناسبة نوجه الدعوة الى الشروقيون الواردة أسماؤهم:
أسامة سعد الظاهري.
مية محمد ياسين
عابر سبيل
خلود جاب الله.
حمادي محمد.
الكوادر البشرية.
مخفي محمد.
جلول رفيق.
والدعوة موجها أيضا الى ادباء المدينة الاخرين:
حسان فاطمي.
عبد القادر بن مسعود
عايدة سعدي.
اندلوسي محمد.
بن ناصر الطاهر.
والدعوة موجهة الى كل محبي الادب والشعر وللجميع.
.........يقول احمد فؤاد نجم........
نــؤيــد ســـيادتــك
نؤيد سيادتك لفترة جديدة
نكمل خلالها المسيرة السعيدة
و بالمرة فيها نبيع الحديدة
مفيش حاجة تانية نبيعها خلاص
*****
نؤيد سيادتك لأجل المزيد
من اللي تحقق بفضلك أكيد
بقينا خلاص ع الحميد المجيد
و ربك لوحده ف ايده الخلاص
*****
نبايع سيادته ولا حد غيره
كفايا علينا نبرطع في خيره
و نوم شعب مصر العظيمة و شخيره
يقول للحرامي ما تسرق كمان
*****
نبايع سيادته وابنه وحفيده
مفيش زي فكره قديمه و جديده
خرابك يا مالطة حيحصل بايده
ومين فيكي يعني بيسمع آذان
*****
نبوس ايد سيادتك و رجلك كمان
تخليك معانا يا ريس عشان
وجودك ضرورة فرضها الزمان
و من غير وجودك حقيقي نضيع
*****
دي مصر بتاعتك و احنا ضيوفك
كفايا علينا يا ريس نشوفك
و عاذرين سيادتك و فاهمين ظروفك
عليك بس تؤمر و احنا نطيع
*****
في جزمة سيادتك كلابك يبوسوا
و فوق الغلابة بجزمهم يدوسوا
و شعبك ليلاتي يا ريس غموسه
مذلة و مهانة و حوجة و مر
*****
لكن يعني ما دمنا شعب انتساب
و دايما وأبدا ف حالة غياب
متعملش لينا يا ريس حساب
دي عزبة سيادتك و فيها انت حر
*****
و دستور مدستورش مش فارقة خالص
كلام فاضي كله يا فندم بناقص
كفايا علينا الفساد اللي ماصص
عرقنا و معشش و ضارب جذوره
*****
و ايه يعني تهري جتتنا البلاوي
يوماتي كوارث فضايح رشاوي
كفايا علينا القعاد في القهاوي
بنستنى لما الوريث ييجي دوره
*احمد فؤاد نجم
ان احسست بالاختناق فابحث عن الحرية حيث ما تكون لكي لا تموت.
