الطورنو أو حلوة الطابع من مطبخي

[أم خير الدين 46]

السلام عليكم ورحمة الله تعالى وبركاته

يسعدني ان اقدم لكم هذه الحلوة الجزائرية المعروفة
تتميز بكونها اقتصادية جدا ولذيذة كما انها سهلة وسريعة التحضير
هي احسن مرافق للشاي و القهوة



المقــــاديــر :

*3 بيض
-250غ سكر
-250 زبذة
-مقدار زيت (عبري بعلبة الزبدة )
-1 خميرة كيميائية
- قشور الليمون
-علبة فانيليا
-فرينة على حسب الحاجة

طريقة التحضير :


نخلط الزبدة مع السكر ثم نضيف البيض و نخلط جيدا ثم نضيف قشور الليمون و الفانيليا و في الأخير طحين مع الخميرة نعجن الخليط
حتى نحصل على عجينة طرية سهلة الاستعمال ( و تجي هشيشة تذوب في الفم )
على طاولة العمل نحل العجينة 1.5 سم
و نقطع الأشكال التي نحبها بواسطة الطابع.
نضعها في صينية و نطليها بصفار البيض
ندخل الصينية للفرن درجته150 °




اتمنى تكون اعجبتكم وتجربوها في اقرب فرصة

تحياتي للجميع

[أم خير الدين 46]

السلام عليكمورحمة الله تعالى وبركاته
والله غي خسارة عليكم يا شروقيون 62 ردو لا واحد رد عليا
وقيلا ماعجبكمش ولا جاكم على العين العورة
انا في انتظااااار ردودكم المشجعة

[starlina]

معرفتيش تخيري الطوابع احنا رانا نحتفلوا بالذكرى الخمسين للاستقلال كان لازم يكونوا الطوابع مسايرة للمناسبة نجمة وهلال

[بـــروال آمـــال]

صراحة أول مرة أسمع بها و لكنها أعجبتني

سأجربها في أقرب وقت

شكرا لكِ غاليتي أم خيرو

و بارك الله في جهودكِ

[aminabil]

جاتك هايلة أم خيرو بصحتكم .....ولو أني لا أحبها كثيرا لأنها الحلوى الوحيدة لي تبقي مدة طويلة (متحبش تخلاص)....فيها البركة ههههه

[أم خير الدين 46]

المشاركة الأصلية كتبت بواسطة starlina

معرفتيش تخيري الطوابع احنا رانا نحتفلوا بالذكرى الخمسين للاستقلال كان لازم يكونوا الطوابع مسايرة للمناسبة نجمة وهلال

يا حبيبتي هذا اللي واجد في البيت

المشاركة الأصلية كتبت بواسطة بـــروال آمـــال

صراحة أول مرة أسمع بها و لكنها أعجبتني

سأجربها في أقرب وقت

شكرا لكِ غاليتي أم خيرو

و بارك الله في جهودكِ

الله يبارك فيك اختي
سررت جدا بمرورك الكريم
موفقة ان شاء الله

المشاركة الأصلية كتبت بواسطة aminabil

جاتك هايلة أم خيرو بصحتكم .....ولو أني لا أحبها كثيرا لأنها الحلوى الوحيدة لي تبقي مدة طويلة (متحبش تخلاص)....فيها البركة ههههه

الله يسلمك امينة

هههههههههههههههه والله غي السكتي برك
راهم عندنا الماصويين في البيت
والوالد دايما يقولي حضري الملوي والمسمن وما شابه ذلك
يعني تاخذ وقت في تحضيرها
وتعرفي السخانة راهي دايرة حالة
خممت باش نعمل حلوى خفيفة و ظريفة
امالا عملت له قصعة انتاع طورنو على الاقل تشد3 او 4ايام

مشكووورة امينة على المرور ونتمنى انك تجربيها يوما ما

[رحيل]

السلام عليكم و رحمة الله وبركاته

حلوة الطابع من الحلويات التقليدية التي لا تذهب بذهاب الاجيال..
انا ايضا احضرها و هي خفيفة لذيذة وفيها البركة كيما قالت الاخت امينة...

المشاركة الأصلية كتبت بواسطة aminabil

جاتك هايلة أم خيرو بصحتكم .....ولو أني لا أحبها كثيرا لأنها الحلوى الوحيدة لي تبقي مدة طويلة (متحبش تخلاص)....فيها البركة ههههه

اضحك الله سنك يا امينة...غير انت لي لقيتيها...

[جود الكلمات]

ايه الل يبارك ماشاء الله عجبوني اقتصادية كما قلتي وسهلة بالاضافة انها شابة ههههههه باينة بنينة الا كتب ربي نجرب كلشششش

[salam08]

كيما قالت امينة نورمالمو يسموها حلوة البركة

تسلمين يا ام خيرووووو ...تفرحي داركم و لي ماصون ....الله يفرحك دنيا و اخرة

[لونجة بنت السلطان]

جاتك هااااايلة

كن نقولك ف الدار يموتو عليها يفضلوها مين خفيفة مع القهوى افضل من الحلويات المعسلة و مليحة مين تشد بزااااف و تقطع ياسر مليحة للحوانة



تسلم ايديكي و ربي يخليلك ابيكي