البراج بمناسبة حلول فصل الربيع
15-03-2013, 05:32 PM
السلام عليكم ورحمة الله وبركاته
لما يحل فصل الربيع نحبو نديرو اكلات تقليدية متنوعة من بينها البراج ولا القرصة (البغريرولا الرغايف)وغيرها من الوصفات وحنا في دارنا نعملو البراج أما عند عجوزتي يديرو المسمن والمبسس والبغرير كل واحد وعادتو ههههههه
أنا حضرت البراج وحبيتكم تشوفو الطريقة اللي تعلمتها على جدتي وأمي الله يحفظهم وهي طريقة تقليدية بالطبع انشاء الله تنال أعجابكم
نحتاجو الى
3 كيلات دقيق متوسط
كيلة سمن ذائب
ملح
ماء لجمع العجينة
تمر مطحون(الغرس)
2مغارف زيت
مغرف صغيرة قرفة
ماء الزهر
واليكم الكيفية بالصور
نخلط السميد +السمن+الملح ونبسسهم مليح
كي نبسسها مليح نحي كمشة ونحطها في صحن ونخليها على جنب
نلم العجينة بشوية ماء ونخليها شوية طرية باش ماتجيش يابسة
ونقسمها الى قسمين متساويين
ومن جهة نحضر الغرس نحو منو العلف الزائد ونضيفولو مغرف قرفة صغيرة للبنة ونعجنوه بالماء الزهر حتى يولي طري
نوضعو كيس بلاستيكي ونحلو فوقوبالحلال الطبقة الاولى من العجينة ونرشو فوقها شوية السميد اللي بسيناه وخليناه على جنب
ثم نقلبها فوق طاولة الاستعمال
نجيبو الغرس ونحلوه بنفس الطريقة ونفس الحجم ونحطوه فوق الطبقة الاولى للعجينة
نحلو طبقة العجينة الثانية كذالك بنفس الحجم ونحطوها فوق طبقة الغرس ونرشو بالسميد المبسس اللي باقي ونحلو بالحلال حتى نتحصلو على سمك 1سم
نقصوها ونتخلصو من العجينة الزائدة
نسخنو الطاجين مليح انا نستعمل تاع الحديد ونحمرهم مليح على نار هادئة
وها هو البراج القسنطيني
ان شاء الله يعجبكم
استحلفكم بالله الذي لا اله الا هو ان تدعو لي
ولكم بالمثل ان شاء الله
لما يحل فصل الربيع نحبو نديرو اكلات تقليدية متنوعة من بينها البراج ولا القرصة (البغريرولا الرغايف)وغيرها من الوصفات وحنا في دارنا نعملو البراج أما عند عجوزتي يديرو المسمن والمبسس والبغرير كل واحد وعادتو ههههههه
أنا حضرت البراج وحبيتكم تشوفو الطريقة اللي تعلمتها على جدتي وأمي الله يحفظهم وهي طريقة تقليدية بالطبع انشاء الله تنال أعجابكم
نحتاجو الى
3 كيلات دقيق متوسط
كيلة سمن ذائب
ملح
ماء لجمع العجينة
تمر مطحون(الغرس)
2مغارف زيت
مغرف صغيرة قرفة
ماء الزهر
واليكم الكيفية بالصور
نخلط السميد +السمن+الملح ونبسسهم مليح
كي نبسسها مليح نحي كمشة ونحطها في صحن ونخليها على جنب
نلم العجينة بشوية ماء ونخليها شوية طرية باش ماتجيش يابسة
ونقسمها الى قسمين متساويين
ومن جهة نحضر الغرس نحو منو العلف الزائد ونضيفولو مغرف قرفة صغيرة للبنة ونعجنوه بالماء الزهر حتى يولي طري
نوضعو كيس بلاستيكي ونحلو فوقوبالحلال الطبقة الاولى من العجينة ونرشو فوقها شوية السميد اللي بسيناه وخليناه على جنب
ثم نقلبها فوق طاولة الاستعمال
نجيبو الغرس ونحلوه بنفس الطريقة ونفس الحجم ونحطوه فوق الطبقة الاولى للعجينة
نحلو طبقة العجينة الثانية كذالك بنفس الحجم ونحطوها فوق طبقة الغرس ونرشو بالسميد المبسس اللي باقي ونحلو بالحلال حتى نتحصلو على سمك 1سم
نقصوها ونتخلصو من العجينة الزائدة
نسخنو الطاجين مليح انا نستعمل تاع الحديد ونحمرهم مليح على نار هادئة
وها هو البراج القسنطيني
ان شاء الله يعجبكم
استحلفكم بالله الذي لا اله الا هو ان تدعو لي
ولكم بالمثل ان شاء الله
اللهم اجعل عفوك عني دائم ورضاك عني قائم