تسجيل الدخول

السَّلامُ علَــــيكُم

أحببت أن أشم تلك الريح ’ ليس تاع الدوارة ’ أقصد أجواء قبل وأثناء العيد الأضحى
كما يعلم الجميع أن بعد الذبح يطلَّعو الأحشاء | دوَارة ، مصارين ، الراس الكرعين .....|
لا حظت أنه كل وحدة وكيفاه تخدم وكل وحدة وكيفاه تعلّمت ، سأطرح سؤال ، انت كيفاش تنقي الدوّارة ؟، هناك من يغلّيها وبواسطة سكين يبرشها و ينزع تلك النتوءات السوداء مثل هذه

وهذه

وهناك من يغليها برك مثل هذه




بالعامية كاين لي يبسطها وبردّها بيضاء وكاين لي يخليها كما راهي كحلوشة خضراء ...
انت أي واحدة تستعملين من الطريقتين وكيف ؟؟؟



أسْتَغْفِرُ الله وأتُوبُ اليْه

هكذا أعملها وكي تبيضيها واشمن بنة تبقى فيها ؟

يا وخدي ما تفكرينيش انا كان نصيب لا بيضا لا كحلة طول للمهملات كتشيعة سديتي نفسي بصح نديرها كحلة اول مرة نعرف البيضا الحق كيفاش يبيضوها ؟

لا أحنا أجوائنا بالعيد غير عنكم ..
يقوم الشخص بالدبح طبعا .. من بعدها يتم توزيع اللحمة بأكياس
بعدها بيقوم صاحبه الدبيحة .. يتنظف ويلبس أجمل الثياب ويرش عطر

من بعدهايبدأ الزيارات للناس الأقارب الجيران والأصدقاء ويعطي كل شخص حصه
من اللحمه ..
أول يوم لا يتم التنظيفات وهيك أمور وكثير كثير لا يأكلوا الأحشاء و الرأس وهذه الأمور
يتم رميها ..

أناشخصيا لا أكلها ..لكن بيقولوا لذيذة ..

و الله ما نكذب عليك يا جود أنا عمري في حياتي ما نظفتها و لا شاركت حتى في تنظيفها و السنة الماضية و إللي قبلها حاولت نتشجع و ندير حاجة و نشارك و شريت كمامات و قفازات طبية من عند الصيدالية على أمر ننجح في هذه المهمة و لكن جربت معاودة تنظيف بعض الأحشاء النظيفة أصلا و كل ما تحل ماما عضو أخر مثل المعدة و أمور أخرى يدور عليا ڨلبي فا يوقفني بابا يعني بالمختصر الدوارة و الراس خاطيوني و ما نعرفش تنظيفهم و لكن نحب الدوارة كمونية و أنا بارعة جدا في طهيها و كل الذي أعلمه أنه بعد تنقيتها جيدا من الفضلات و بقايا الطعام تنقع في ماء و خل لفترة كمعقم ثم تنظف جيدا للمرة الأخيرة و تغلى في الماء ثم تصفى و تقطع قطع صغيرة و نديروا بيها كمونية بيضاء أو بكبوكة حمراء
و في الراس ديما يخلولي اللسان و شويه من الخدود بعد ما يحمروه في الفرن مع البطاطا لأنا ما نطيبوهش بوزلوف

السَّلامُ علَــــيكُم




نعم’ مثلنا ’ حنا ناكلوها بيضاء عند خالتي وكحلوشة عندنا
كي تكون بيضة تجي بنينة بكبوكة ’
أسْتَغْفِرُ الله وأتُوبُ اليْه

السَّلامُ علَــــيكُم




هههه لكن تنظيفها امر ممتع
ربي يكون في عونك ، اما عن التبييض يلوحوها فالماء المغلي وجيست يخرجوها يبرشوها بالموس تطير هذيك الكحلة وتولي بيضاء ’ هكَّا شفت خالتي تعملها وحنا نخلوها كحلوشة كما راهي
أسْتَغْفِرُ الله وأتُوبُ اليْه

السَّلامُ علَــــيكُم




اختلاف كبير ’ احنا باليوم الاول تنظيفات وفي المساء زيارات
نأكل الاحشاء بعد تنقيتها جيدا وتعقيمها وطهوها بطرق مختلفة
بارك الله فيك على المرور

أسْتَغْفِرُ الله وأتُوبُ اليْه

انا لا آكل الأحشاء وحتى زوجي يأكل فقط الكبد والباقي نصدقوه
في دارنا ياكلوها كحلة يعني نغسلوها عادي جدا
وعند حماتي بيضاء والطريقة كيما قلتي اميرة تحطها في ماء ساخن وتبرشها بالموس تتنحى القشرة بكل سهولة