تسجيل الدخول

بسم الله الرحمن الرحيـــــــم... السلام عليكم أيها الطلبة و يا زوار منتدى الشروق..
بدون مقدمات أريد أن أشكو جريدة الشروق معاناة طلبة المركز الجامعي بميلة...
أنا طالب بالمركز الجامعي ميلة -عبد الحفيظ بوالصوف- ...
معظم الطلبة الذين سحبوا المنحة الجامعية رقم 4 وجدوها منقوصة !!!!! فالمفترض ان تكون 2700 دينار جزائري , لكن انا وجدت 2664 دينار فقط مع العلم أنه كان في رصيدي مبلغ يترواح بين 70 الى 90 دينار...
و احد زملائي وجد 2558 دينار فقط و البعض الآخلر وجد 2550 ... فتخيلوا لو حدث هذا مع 1200 طالب... كم هو المبلغ المخفي ... لنفترض أنه تم سحب ( لنقل سرقة) 100 دينار لكل طالب ... إذن:
1200*100= 120000 دينار...
حتى المنحة الهزيلة التي كنا نديوها قاحرونا فيها!!!!!

لا نمتلك مطعما في الجامعة... النقل المدرسي غير متوفر...
لم اجد من اشكو اليه الا منتدى الشروق... فنرجو منه ان ياخذ هذا الالتماس بعين الاعتبار...

.................................................

علابالك كل ما دير nouvel avoir ينقصولك !

اذا انت سرقولك 200 دج انا اصلا 3 مدخلتليش يعني سرقوها كامل واسبوع قادم انروح انشوف 4 دخلت ولا مزال..

راهم نقصونا كامل في المنحة الرابعة انا تاع جامعة قسنطينة و كل لي معاي دخلتهم ناقصة ب 200دج

الناس قاع يشكو كيما انتا وماكاش اللي يسمع....

بلادنا ماكاش اللي ما يسرقش......المدير...الحاجب ...الاستاد....كلهم....

يا خويا هذا ليس بالجديد انا كل مرة اجدها ناقصة انا وأصدقائي أثنين اخرين
لن نجد يوما 2700 كل مرة نجد 2500 ولما نستفسر يقولون لنا اما السكوت او الشرطة وبعد الشرطة تعرف السجن بقضية الاعتداء على موظف أثناء تأدية وظيفته أما قضية النقل او كيما نقولوا الكوس كون نجيبلك الصورة راك تحيير تقول حرب باش تركب وكي نركبوا ب 150 واحد في هذاك الكوس وتبقى واقف حتى توصل لنصف الطريق اكيد الكل يسال عن نصف الطريق الثاني واللغز ان الكوس يحطنا في نصف الطريق والي بقى تروح في النقل لانه لا يوجد كوس الشطية .اولاد فارس اهذا نروحو احنا مع الكووس تاع الشلف ويحطنا في نصف الطريق اومبعد نروحو في النقل
اما المطعم والله تشوف هاذيك الماكلة تحس روحك حيوان "حشاكم "
والله الخبز يقعد ب3 ايام باش يجبو خبز جديد وهذا في جامعة الشلف وان شاء الله في القريب العاجل سأكتب موضوع عن كل مشاكل جامعة الشلف بالصور والفيديو واتمنى ان ينظم اليا الجميع لنوصل حقائق خطيرة ربما يمكن ان تكتب علينا جريدة الشروق وعن الظلم الذي نتعرض له يوميا ..
اتمنى التنسيق فقط بين كل الأعضاء الجامعيين لنقوم بعمل جامعي واتمنى ان يكون ذلك بالصور حتى لا يكذبنا أي أحد .

ههههههههههههه ماشي غير انت خويا كامل عدنا هذا المشكل كي ميدوش شوية للطلبة ليمن حبيتهم يدو خليهم ينهبو شوية منا هههههههههه انا هذي المرة دخلتني 2600 وعادي ما تجيش حتى في بالي باه نستغرب ليمن تشتكي يرحم باباك لاحياة لمن تنادي