تسجيل الدخول

السلام عليكم
أولا: تقولي على الرئيس لازمو يخدم راهو يعمل ما بجهدو وديجا هو ما عندوش بزاف من اللي طلع واللي تكسر صعيب بزاف باش يترمم والعصابة راهي نهبت وصفات البلاد على الحديدة..
ما نغطيوش الشمس بالغربال فإن الله لا يغير ما بقوم حتى يغيروا ما بأنفسهم إذن لازمنا كامل نخدمو لبلادنا ماشي غير نتكلو على الرئيس وأول شيئ كل واحد يبدا بنفسه وأسرته.
ثانيا: علاش يحرڤو ولاد بلادنا في ميزك ! تقوليلي المعيشة الصعيبة ! بالصح نقلك باللي الفكرة اللي دايينها عن ماوراء البحر هي اللي خلاتهم يهاجرو ويندفعو وراء الدنيا وينساو باللي ربي هو اللي يرزق واللي خلق ما يضيع.
ياختي الشدة في ربي برك وهو يحل كل الأمور علاش يهلكو فرواحيهم ويحرقو كبدة والديهم ..علاش يجمعوا الأموال باش يحرڤو ومايستثمروهمش ويبداو بمشاريع صغيرة وربي يعاونهم بالصح هم يحوسو على الراحة ما علابالهمش باللي الراحة تكون بعد العمل والإجتهاد ،نقولوا باللي الحكومة عندها مسؤولية في هذا الأمر ولكن علاه اللي يهاجرو ما يرضاوش يخدمو فبلادهم ويخدمو عند الآخرين أعمال شاقة بأبخس الأثمان ..يحرڤو من بلادهم باش يعيشو الذل كثر من اللي عاشوه فالجزاير وما ظلمش اللي قال البلاد اللي ماهيش بلادك ماهي ليك ماهي لولادك.





مجرد رأي .. رانا تشعبنا فالموضوع.

تحياتي../

ويسعد يومك الاخت ..
دمتِ بخير ورأيك وأحترمه