مُحَمَّدْ اصْطَفَاكْ البَارِي . منقول.
06-10-2015, 04:39 PM
قَصِيدْ مَنْقُولْ مُحَمّدْ اصْطَفَاكْ البَارِي
بَالْقَلْبْ نَمْدَحَكْ وَ اللِّسَانْ اعْوَاجْ *** وَصْفْ الحَبِيبْ فُوقْ سْوَارِي
نَبْغِي نْمجْدَكْ يَا طَهَ *** وَ اللّفْضْ مَا يْسَاعَدْ وَصْفَكْ
بَعْض المَدِيحْ فِيكْ سْفَاهَا *** الأمْثَالْ قَاصْرَة عنْ مَثْلَكْ
جَاتْ النّجُومْ فُوقْ سْمَاهَا *** بَصْرِي ضْعِيفْ مَا يَدَّرْكَك
تَظْهَرْ مَنْ بْعِيدْ فِي نَظْرِي
مَرْفُوعْ كَالثُرِيَة كَوْكَبْ وَهَّاجْ *** مُحَمّدْ اصْطْفَاكْ البَارِي
بَالقَلْبْ نَمْدْحَكْ وَ اللّسَانْ اعْوَاجْ *** وَصْفْ الحْبِيبْ فُوقْ سْوَارِي
لُو كَانْ تَعَرْفَكْ ذَالأمَّة *** تَفْنِي زْمَانهَا فِي ذَكْرَكْ
الرَّبْحْ فِيكْ بْلاَ خَدْمَة *** مَغْرُورْ مَنْ يَذكَرْ غِيرَكْ
الأرْضْ كُلْهَا وَ السَّمَاء *** وَ العَرْشْ وَ القَلَمِ مَنْ نُورَكْ
فِي ذَا المَقَامْ يَعْجَزْ فِكْرِي
مَاذَا نْقُولْ فِي صَاحِبُ المِعْرَاجْ *** مُحَمَّدْ اصْطْفَاكْ البَاٍرِي
بَالقَلْبْ نَمْدْحَكْ وَ اللِّسأنْ اعْوَاجْ *** وَصْفْ الحْبِيبْ فُوقْ سْوَاري
نُورْ الإلَهْ مَا يَتْمَثَّلْ *** وَ العَجْزْ عَنْ اوْصَافُو حِكْمَةَ
لُو كَانْ نَنْعَتُو نَتْفِيضَلْ *** سَوَى نْقُولْ فِيهْ الكَلمَة
فَاقْ الجَمِيعْ فَرْعْ وْ أصَّلْ *** مَبْعُوثْ لَلْخْلاَيَقْ رَحْمَة
تَكْلِي عْلِيهْ رَبِّي دَارِي
مَكْسُورْ خَاطْرِي مَتْنَزَّلْ مَحْتَاجْ *** مُحَمَّدْ اصْفَاكْ البَارِي
بَالْقَلْبْ نَمْدَحَكْ وَ اللِّسَانْ اعْوَاجْ *** وَصْفْ الحِيبْ فُوقْ سَوارِي
الْكَذْبْ مَا يْزِيدْ فِي الٍّرَّجْلَة *** لَوْلاَكْ مَا عْرَفْتْ الْقَادَرْ
لاَ دِينْ لاَ صْلاَة لاَ قَبْلَة *** فَضْلَكْ عَمْنَا بَالظَّاهَرْ
أدْرَكْتْ بِيهْ عَزْ وْ صُولَة *** فِي الأرْضْ وَ السَّمَاء نَفْتَاخَرْ
مَشْغُوفْ بِيكْ طِيلَةْ عُمْرِي
قَلْبِي عْلِيكْ يَخَفَقْ دَمْعِي ثَجَّاجْ *** مُحَمَّدْ اصْطْفَاكْ البَارِي
بَالْقَلْبْ نَمْدْحَكْ وَ اللِّسَانْ اعْوَاجْ *** وَصْفْ الحْبِيبْ فُوقْ سْوَارِي
صَلَّى عْلِيكْ رَبّ الوَرَى *** يأ سِيدْ كُلْ سِيدْ ارْغَبْتَكْ
هَذَا المَدِيحْ لِكْ احْزَارَة *** نَرْجُو يْكُونْ لِيَا مَسْلَكْ
أهْلِي جْمِيعْ وَ الفُقَرَة *** وَ المُومْنِينْ تَرْجُو فَضْلَك
يُومْ انْمُوتْ وَ فِي حَشْرِي
قَلْبِي ضْعِيفْ يَخشَى مَنْ لَحْرَاجْ *** مُحَمّْدْ اصْطْفَاكْ البَارِي
بَالقَلْبْ نَمْدْحَكْ وَ اللِّسَانْ اعْوَاجْ *** وَصْفْ الحَبِيبْ فُوقْ سْوَارِي
أيْنْ المَقَامْ أيْنْ النَّزْلَة *** بَعْدْ الفِرَاقْ رَبِّي يَعْلَمْ
نَخْشَى تْصِيرْ فِينَا خَبْلَة *** يَوْمًا عْظِيمْ يَا بُوالْقَاسَمْ
العُذْرْ يَا إمَامْ الرَّسْلاَ *** حَاشَا فِي الضَّعِيفْ تْسَلَمْ
ظَنِّيتْ فِيكْ تَقْبَلْ عُذْرِي
الشِّيبْ بَانْ فِيَا وَ الوَقْتْ اسْمَاجْ *** مُحَمّدْ اصْطْفَاكْ الباري
بَالْقَلْبْ نَمْدْحَكْ وَ اللِّسَانْ اعْوأجْ *** وْصْفْ الحَبِيبْ فُوقْ سَوَارِي
هَذِي عَليكْ رَانِي شَايَفْ *** مُحَالْ مأ تْفَرَّطْ فِيَا
لَكِنْ مَنْ ذْ نُوبِي خَايًفْ *** كمْ عْصِيتْ مَنْ مُعًصْيَة
رَبِّي بِالْعلاَوِي تَلْطَفْ *** نَجِّيهْ من هْمُمْ الدُّنْيَا
فِي كُلْ حِينْ يَطْرَا طَارِي
وَ الٌقَلْبْ مَا تْأمَّنْ دَايَمْ دَحْرَاجْ *** مُحَمّدْ اصْطَفَاكْ البَارِي
بَالقلْبْ نَمْدْحَكْ وَ اللِّسَانْ اعْواجْ *** وَصْفْ الحَبِيبْ فُوقْ سْوَارِي
تَمت بعون الله .. قَصيدَة للشيخ احمد بن مصطفى العلاوي المستغانمي.
رحمه الله .عاش في القرن العشرين .م.
من مواضيعي
0 يَا مالكي اعفو
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
التعديل الأخير تم بواسطة محمد سعيد ريال ; 07-10-2015 الساعة 11:52 PM