تسجيل الدخول

بِسْمِ الله السَّامِعْ المُجٍيبْ **----** نَبْدَا بَاقَة طِيبْهَا عْجِيبْ نَمْدَحْ مُولْ التَّاجْ و القَضِيبْ **----** لَمْجَدْ ضِيْ ارْمَاقِي
صَلاَتُه أزْكَى مَنْ كُلْ طِيبْ **----** سَلْوَى لَلْعُشَّاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عِلِيكْ يَا حْبِيبْ
*****************
بِسْمِ الله بْدِيتْ ذَالخْطَابْ **----** يَلْهَمْنِي التُّوْفِيقْ وَ الصّْوَابْ
وَ صْلاةْ المُولَى بْلاَ حْسَابْ **----** زَادِي لْيُومْ فْرَاقِي
تَحْظرْلِي وَ اتْكُونْلِي حْجَابْ **----** مَثْلْ الدَّرْعْ الوَاقِي
اللهُم صَلِّ عَلَى الحِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ
******************
اللهُم صَلِّ عْلَى الحْبِيبْ **----** نُورْ ابْصَارِي رَاحَةْ القُلِيبْ
مَنْ نرْجاهْ ايْكُونْ لِي قْرِيبْ **----** فِي يُوْمِ التَّلاَقي
نتْرَجَّاهْ وَ الظُّنْ مَا انْخِيبْ **----** مَا نَتَّحْشَرْ شَاقِي اللهُمَ صَلِّ عَلَى الحْبِيبْ **----** مَنْ جَاء لَنَا عَتَّاقِي
صَلَّى الله عْلِيكْ يَا حْبِيبْ
******************
اللهُم صَلِّ عَلَى الرَّسُولْ **----** شَفِيعْ الأُمَّة مُنَوَّر العُقُول
وَ الرِّضَا عَلَى آهْلُو الفْضُول **----** الانْصَارْ وَ لَرْفَاقِي
بْجَاهْ اصْحَابُه مَا نْشُوفْ هُولْ **----** ذِكْرُوهُمْ تَرْيَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حَبٍيبْ
******************
اللهُم صَلِّ عْلَى الشْفِيعْ **----** سِيدْ لَرسَالْ وَ الأنْبِيَا جْمِيعْ
مُولْ الحُسْنْ الفَايْقْ البَدِيعْ **----** عَاظِيمُ الأخْلاَقِي
اعْطَاهْ الله المَقَامْ الرّفِيعْ **----** وُ رَقَّاهْ المُرْتَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتّاقِي
صَلَّى الله عَلِيكْ يَا حبِيبْ
******************
اللهُمصلِّ عَلَى الإمَامْ **----** سِيدْ عْبَادْ الله بَتّْمَامْ
ايْنَجِّينَا مْنَ الظِّيقْ وَ الزِّحَامْ **----** ايْفُكْ قِيْدْ الُأوثَاقِي
يَحْظَرْ يُومْ البَعْثْ وَ القِيَّامْ **----** يْكُونْ لْنَا وَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حَبِيبْ



يَعْتَقْهَا مِنَ النَّارْ أُمْتُه **----** مَا يَشْقَى مَنْ هُو فِي حُرْمْتُه
كُلُّونَا انَّالُو شْفَاعْتُه **----** العَاصِي وَ التَّاقِي
اتْعُمْنَا جَمْلَا عْنَايْتُه **----** بِإذْنْ الحِي البَاقِي
اللهُم صَلِّ عَلَى الكْبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ
**************
بعْثُو الله لْأُمْتُه شْفِيعْ**----**يَنْجَدْنَا مَنْ حَرْهَا جْمِيعْ
مَا انْشُوفُو حُمَّانْ لاَ صْقِيعْ**----**لاَ صَهْدَ احْتِرَاقِي
يا منْ هُو بَالهَادِي وَلِيعْ **----** أبْشَرْ بِإ نْعِتَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ
*************
نَاوِي فِي حَياتِي انْرُوحْلُه **----** تَبْرَدْ نَارْ اشْوَاقِي
بَهْوَاهْ اخْلاَقِي اتْهُوْلُوا **----** افْنِيتْ مْنَ الأرَاقي
اللهُمْ صَلّ عَلَى الحَبِيببْ **----** مَنْ جَاء لَنَا عَتَّاقِي
صَلَّى الله عَللِيكْ يَا حْبِيب
*************
شُوقْالهَادِي زَادْ لِيعْتِي **----** نَتْعَذَّبْ وَ النَّارْ فِي مُهْجَتِي
جْرَاتْ فُوقْ الخَدْ دَمْعَتِي **----** حَامْلاَ فِي انْدِفَاقِي
مَنْ شوقِي لَطْبيبْ عَلْتِي **----** رَاكِبُ البُرَاقِي
اللهُمْ صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله علِيكْ يَا حْبِيبْ
*************
مَنْ شُوقِيلَزْيَارَةْ الأمِينْ **----** أحْمَدْ سِيدْ الخَلْقْ كَامْلِينْ
مَنْ لِيهْ الوُوفُودْ قَاصْدِينْ **----** اجْمَايَعْ وَ افْرَاقِي
مَن كُلْ اقْطَارْ الأرْضْ زَايْرِينْ **----** مَغْرَبِي وَ المَشْرَاقِي
اللهُم صَلِّ عَلَى الحَبِيبْ **----** مَنْ جَاء لًنَا عَتَّاقِي
صَلّىى الله عَلِيكْ يَا حْبِيبْ
مِنَ الغَرْبْ جمُوعْ قَاصْدِينْ **----** وَ اهْنُودْهَا وُ تُرْكْمَانْهَا وْ صِينْ مِنَ كُلِّ حَدْبْ وَ صُوبْ وَافْدِينْ**----** وَ المَصْرِي وَ العِرَاقِي
لَضْيَافَةْ طَهَ امْعُوْلِينْ**----** كُلُّهُمْ فِي اسْتِبَاقِي
اللهُم صَلِّ عَلَى الحبِيب**----** مَنْ جَاء لَنَا عَتَّاقِي
صَلَّى الله عَلِيكْ يَا حْبيبْ
**************
مَنْ كُلِّ فَجِ عَمِيقْ آتْيِينْ **----** لَزْيَارَةْ الصَّادَقْ الأمِينْ
مَنْ جَانَا بَالصّدْقْ وَ اليَقِينْ **----** وَ العَهْدِ وَ المِثَاقِي
جَابْ احْكَامْ الدِّينْ امْفَصْلِينْ **----** مَنْ فُوقْ سَبْعِ انْطِبَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلّى الله عَلِيكْ يَا حْبِيبْ **************

نَخْتَمْ بَالصّلاَةْ وَ السَّلاَمْ **----** عَلَى الهَادِي شَفِيعْ الأنَامْ
بِيهَا ابْدِيتْ و بِيهَا الخِتَامْ **----** و بِيهَا طَابْ امْذَاقِي
نَمْدَحْ مُولْ التَّاجْ وَ الغُمَامْ **----** مَا دَامَ العُمْرُ بَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتّاقِي
صَلَّى الله عَلِيكْ يا حْبِيبْ
**************
مَا دَمْتْ حِيْ انْمَجَدْ الرَّسُولْ **----** وَ اهْلُه وَ اصْحَابُه لَمَّةْ الفْضُولْ ابْذِكْرِهُمْ ايْلَذْ لِي القُولْ **----** أحْلَى مْنَ الشَّهْدِ النَّاقِي
يُومْ الأخِيرَة انْفُوزْ بَالقَبُولْ **----** وَ السِّتْرُ فِي البَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتّاقِي
صَلَّى الله عْلِيكْ يَا حْبِيبْ
**************
انْشِيتْهَا بَاقَة مْنَ العْطَرْ **----** مَنْ كُلْ اصْنَافْالوَرْدْ وَ الزّهَرْاهْدِيتْهَا لأ حْمَدْ سِيدْ البَشَرْ **----** مَحْبُوبْ الخَلاّقِي
مَنْ نُورُه فِي أُمْتُه اظهَرْ **----** ضْوَاتْ بِيهْ الأفَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ
**************
لَو لاَ نُورُه مَا يْكُونْ نُورْ **----** مَا فَاحْ مَسْكِ لاَ وَرْدْ لاَ عْطُورْ
لاَ نَارْ لاَ جَنَّة لاَ قْصُورْ **----** مَا لاَحْ ضِيْ الفَلَقِ
لاَ شَفَيعْ فِي يُومِ النُّشُورْ **----** لاَ مَنْ يَحْمِي لاَ وَاقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ
**************
حُبْ المَاحِي فِي دْوَاخْلِي سْكَنْ **----** خَاضْ قْلبِي وَ عْقِيلِي انْفَتَنْ
آشْ حَبْ مَنْ لاَ بِحُبُّه انْشَطَنْ **----** مَا انْكَوَى بَالفِراقِ
مَا جرَّبْ لِيعَاتْ مَا انغَبَن **----** مَا ذَاقْ إحْتِرَاقِي
اللهُم صَلِّ عَلَى الحَبِيب **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ
**************
يا مَنْ تَسْغَى حَدِيثْ ذَالنّْظَامْ **----** صَلِّ عَلَى المُوضِّلْ بَالغَمَامْ
و رَحَّمْ عَلَى مَنْ قَالْ ذَالكَلاَمْ **----** رِيّالْ يَا عُشَّاقِي
اهْدِيتْ ذَالبَاقَة لْسِيدْ الكْرَام **----** بِيهْ زْهَاتْ اخْلاَقِي
اللهُم صَلِّ عَلَى الحَبِيبْ **----** مَنْ جَاء لَنَا عَتَّاقِي
صَلَّى الله عَلِيكْ يَا حْبِيبْ

تمت بعون الله (نظم محمد ريَّال)

السلام عليكم ورحمة الله وبركاته
اللهم صلي على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم في العالمين إنك حميد مجيد.

شكرا لك أخي على مانسجت من عبق الكلمات الطيبة لأعظم خلق الله ..دعواتي لك بالتفيق

تحياتي..