تسجيل الدخول

اسمع مني هاذي في الحين
تلاقينا بعد سنين اجتمعنا في دورة يسموها دورة المسنين
نتايا كنت تحدث عجوزة شبهاتك لبنها اللي مانعرف هربلها وين
ماسكاتك من يدك باه ماتزيدش تخليها تعيش هاذ الفقد والحنين
شاف فيك شيخ وخزرك بخزرة كانت تهرب قاع المسنين اللي يقدمو لهاذيك
المرا خاصة اللي يكون صغير عليه وزين
اما انا عجبتني رمقة الشيخ اللي شافك بيها في ذاك الوقت الحزين
بينلي راه فيها عاشق وخايف يقولها يخسرها بعد ما خسر وليداتو وعجوزتو اللي خلاتو قبل عوام في هاذ المنفى كي السجين
بقيت نتفرج ونضحك بين الوقات عليك كي كنت تترعد بين ذوك اليدين
شفت فيا باه نخرجك من ذاك الموقف مع اني ماكنت نعرفك ولا نعرف نتايا منين
حاولت نخمم في كاش خطة باه ماتقولش هاذي ماصدقت تضحك عليا وتتفرج فيا وانا حاصل بين اثنين
لقيت الحل بصح كان لازم نديرو مهما تزعف ولا تقول هاذي واش داها لهاذ الكلام واحنا حاصلين
جيتك من بعيد وحكمت يدك قتلك ماكش مروح منا يا راجل الولاد راهم مستنيين
شفت فيا ونتا حاير وكتا ولينا متزوجين وكيف خممت فيك بهاذي الطريقة تاع زوج مرتبطين
المهم سلكتك من ذيك المحنة مع اني ماكنتش حابة نخرجك منها حتى تدي طريحة من ذاك الشيخ ونضحك انا لخاطر راسك خشين
خبرتك قبل بلي العجوزة عندها مرض تنسى روحها وولادها شكون واللي تشوفو تحكم فيه باه تغير ذاك الشيخ المسكين
ارجو ان تنال اعجابكم كتبتها بالدارجة لاضافة رونق والضحك فقط

هههه تخيلت الموقف الرمنسي

بلغة الجدات كتبتِ فأبدعتِ

مودتي

كلمات جميلة جدا وفيها احساس كبير

ننتظر جديدك

اعتذر اخي الفاضل من شروط الخاطرة انها باللغة العربية الفصحة

ينقل الى القسم المناسب

اعجبتني النهاية انا في انتضار المزيد