تسجيل الدخول

غير كملت صلاة العشاء
الوسواس الخناس قالى راك كملت اخرج
قتلو اصبر نصلى تراويح
قالى اخطيك صليت العشاء بزاف
ناس راهى تدومن وانت راك قاعد هنا
صليت ركعتين من تراويح قالي واش ماتخرجش
قتلو مازال قالى انا نقولك غير صلاحك لوكان كل يوم تصلي تراويح يخلاص رمضان وجهك يولى مسطح نيفك يدخل وجهك يولى كى بدون زيت دحساته شاحنة
ماسمعتلوش كملت زوج ركعات اخرين
قالى بزاف اخرج راه واحد قلب لوز بلاتاى يهبل في قهوة وزيدلو قارو علاش راك قاعد مدمر
قتلو زعما رانا نخدمو للجنة
قالى الجنة لوكان جات مليحة رانى بقيت فيها
زدت كملت زوج ركعات قالى والله ماتحشم انت ماتديرليش قاع بقوسطويا
ايا قوتلو ايا نديراك بقوسطوك ونحرج خرجت وياليتنى ماخرجتش الوسواس الخناس قالى اسمحلى كى خرجتك والله مانزيد نعاود
لقد شهدت قطيع من الغنم تقودهم كبيرتهم التى علمتهم التبرج والسفور يتمشي امامى نساء متبرجات وحدة غير ربي عارية حمالة صدرها تبان لانه قميصها شفاف انهم من جماعة البحر
تقول رانا في هوليود
من هنا نقوللهم
نحن مانجوش عند مركباتكم السياحية انتم ماتدورش عند جوامعنا لكم مركباتكم ولنا جوامعنا اخطونا

لكم مركباتكم ولنا جوامعنا اخطونا

اللهم أصلح الأحوال
بوركت اخي زهير

وفيك بركة

اللهم امين


ماعندكش سوبير قلو بمساسك يديها الريح

الله يبارك فيك

ان شاء الله خويا محمد