°l||l°... .......هو يبكي وانا ابكي معه......... ...°l||l°
06-02-2009, 07:46 PM
بسم الله الرحمان الرحيم
اخواني اعضاء وزوار منتدى الشروق اونلاين اهلا وسهلا بكم
ارجوا ان لا اكون ضيفا ثقيلا عليكم بموضوعي
اخترت هدا العنوان لانه نابع من اعماق قلبي ومتاثر بما حدث لي
لم اكن اعلم ان هناك اناس يبكون على ايامات زمان وعلى هده الايامات التي نمر بها في كرتنا
كنت قاعد في وحد البلاص قدام دارنا حتى خرج وحد الشيخ الله يدكرو بخير
عاصر احداث كرتنا وبدينا انا وهو نقصرو على وش راه صاري في بلادنا
من ظاهرة العنف حتى قال لي وبالحرف الواحد "اييييييييييييه.......يا وليدي"
هنا عرفت بلي راه كاين حوايج بزاف في قلب هدا الشيخ
قتلو وش عمي الحاج واقيلا فكرتك في ايامات زمان
قالي ياوليدي نقولك حاجة .....قتلو انعم عمي مادابيا تحكيلنا على اياماتكم
لاخطرش رسمتو جيلكم باحرف من دهب
قالي حنا كنا نروحو نتفرجوا في السطاد صدقني كانوا "الشنابط "(لابوليس في وقتنا الان)كان واحد في السطاد داير قهوة ويتفرج معانا وكي يكره يروح برا يدور ويولي ومنين داك يكونو زوج ثلاثة كي يحسو اللوش
ويحكي بكلام ابلغ من هدا لاخطرش راني نسيت شوي وش قال
يحكي والدمعة في عينو ......يقولي واليوم 2000 بوليسي ومانيش عارف ادا يفروها قالي علاه بلادنا ولات هكا مانقدرش نتفرج ماتش قدام ولادي لا من الناحية الخلقية ولا الرياضية ادا قعدنا دقيقة ولا زوج تسمع التطياح بالقدر icon28وادا حاب تشوف ماتش مليح من الناحية الرياضية ماكاش الله غالب
قتلو عمي الحاج راح تبكي واقيلا
قالي كيفاش ما نبكيش يا وليدي رانا كامل ولاد الدزاير ولاد ميمة وحدة
ولادنا في ليسطاد راهم يموتو وحنا ساكتين .....وحكى حوايج بزاف على الكرة نتاع بكري حتى دمعت عيناه من شدة التاثرicon36
وهنا لم اتمالك نفسي فبكيت معه واتاسف على حال الكرة عندنا
سبحان الله ارجوا ان لا اكون اطلت عليكم
شكرا على التنصت لي
من مواضيعي
0 تعازينا ،اللهم ارحم والدة رئيسنا واسكنها فسيح جنانك
0 (((هنا نستقبل التهاني لفوز الجزائر ))))
0 هنا دعــــــــــــــــــــــــــ لمحاربي الصحراءـــــــــــــــــــــواتكم
0 عاجل و حصري....الفيفا يلغي حد السن للاعب الذي يريد تغيير المنتخب الذي يمثله
0 لعبة اجمل 5 اسامي بلمنتدى
0 حط مبلغ واللي بعدك يقول ويش يشتري فيه
0 (((هنا نستقبل التهاني لفوز الجزائر ))))
0 هنا دعــــــــــــــــــــــــــ لمحاربي الصحراءـــــــــــــــــــــواتكم
0 عاجل و حصري....الفيفا يلغي حد السن للاعب الذي يريد تغيير المنتخب الذي يمثله
0 لعبة اجمل 5 اسامي بلمنتدى
0 حط مبلغ واللي بعدك يقول ويش يشتري فيه
