**** نـاس الخيـــــر****الشاعر العيد دبوسي
13-07-2012, 10:40 AM
**** نـاس الخيـــــر****
بسم الله مفتاح ديما في لـــــــــــول / ياســـــــــعد اللي دارها ديما فالو
نبدا ذالكلمات يا ربي ســــــــــــهل / من غيرك ماكان مخلوق انسالو
والصلاة على نبيك الـــــــــــمرسل / والف صلاة عليه هو والـــــــــو
مهما طال الحال لابدة نرحـــــــــل موحال اذا دام حال على حالــو
لكن ربي راه يمهل لايهــــــــــــمل / سبـــــحان المعبود جــل جلالو
نترك ذكريات عنا تتســـــــــــــجل / وما ينفعش اللي رحل غير افعالو
واللي يمدح يمدح الراجل لفـــــحل / يــاك بنادم تمدحو غير اخصالو
ولاننسى من ثار في وجه المحــتل سبـــع سنين ونص فاتو يكحالو
ذوك اللي خلاو لارض تزلــــــزل / كراماء شجـــعان والنيف ابطالو
رفضو باه يعيش وطني تحت الذل / فداوه بالارواح نال استـــــقلالو
ارحم ياربي الشهيد البـــــــــــــطل / طهر وطــني من العدو وارذالو
ونحيي ريجال سهرانة تعـــــــمل / خدمو عـنا وعالوطن ومـــازالو
ناس الغيرة والوفاء لا تتــــــــبدل / مـــــهـــما هب الريـح ابدا مالو
من حق الاباء علينـــــــــــــا تتدلل / هاذ الــــــــناس بداو عنـا يقلالو
مثل الحاج علي كريم ومتاصـــل / حاير ديما عالوطن شاغل بالــو
راجل مولى خير شايع بخصـايل / واحبابوفي كــل جيـــــهة تلقالو
يشهد عنو ذالوكرصحرة والـــتل / وين مشـــــــينــا هاكذا عنو قالو
والع باتحواس يشتي يــــــــــّتجول / ما كادو تعــــــب الســفر ولا مالو
راه اصرالو كي الطير للي راحل * ويفرفر ديمـا الموكـــــــب يغدالو
الحاج علي في قلوبنا باني منزل / ومعانا سّهــراليــــــــــالي يحلالو
مولى حكمة في حديثو لا يتــمل / ويمـّيز لكلام يــــــــــعرف تاوالو
يتحمل بعد السفر ويتكــــــــــفل * والشعر الملحون يــشتي يصـغالو
يلقى فيه كلام موزون امــــــعدل * يفاجي بيــــه اهموم قلبو وعـلالو
ومرحم مايشتي الراجل يتبهدل / ينفـــق من لي راه مولاه اعطـالو
قلنا ما شفناه ماناش انمـــــــــثل / مـــــا زورنا قولنا ما زدنــــــــالو
خاطر دارالخير في لحباب الكل / واللي دار الخيـــــــــر لابد ينـالو
وعن سورالغزلان حيران يسّول / مشّــــــوق والقلب قادي مشعالو
بيه موالف ذالوكر مابا يغــــفل / ينـــفحلو وكر الجدود ويصفـــــالو
يتفكر ويجي على لحباب يطــل / رغم الهجـــــرة ما تبدل في حـالو
يبدا ينضر فالمراسم يـــــــتامل / يسترجع ما راه فالصغر اصـرالو
ياحسراه منين كان الحاج اطفل / ذكــــــريات كبار تتعاد اقبــــــــالو
يشفى لستعمار فينا واش اعمل / قعدت ذكرى راسخة في خيــــــالو
ويتفكر من كان بيها يتـــــغزل / واللي راهي جامـــلة ضرك اعيالو
خيارالقول يا صاحبي ما قل ودل / والنـــية هي حلاوة جمـــــــــــــالو
ندعو دعوة خير يا ربي تقــبل / اللي هي صاعبــــــة سهلـــهـــــالو
والخطوات اللي تمناها يوصل * واللي هي في خاطرو حققــــــهالو
بذنك يا اله لا يلقى مشـــــــكل / سقـــم ليه الخاتمة زيـــــــنهـــــالو
وبوجردة مازال للصور يمثل / احسن صورة مثلو وشـــــهدنـــالو
رافد هم بلاد فالبــــــر وهامل / تضحيات كبار قدم في جـــــــــــالو
رغم الصعوبات صابر ويناضـل / ديما مول النيف هكذا يصـــــــرالو
بوجردة كيما السحاب المتنقل / غيثو نافع وين ما حط ارحـــــــالو
صال وجال وطاف فالجيهات الكل /وكر جدادي دايـــــما شاغل بـالو قادةوالصديق موطنــــــــهم لول * والعيــشي البشــير ثاني غنــــالو
تلقى الحاج اسعيد خيلو تصاهل * تتلايـــــم فرســـان وتروح تـــــوالو
محافظ عاتقليد عربي متأصـل * وارثــــــها من بوه جدو وخــــــوالو
وخليفة ورجال فالشدة تخصل / ناس الندهة فالمحيان يتهـــــــــــالو
وكاذا من لي كان بكري مسبل / فـــيهم من لي مات واللـــــي مازالو شعب بلادي كي نحيي يستاهل / احفـــــظ وطنـــي ياالاهي ورجالو مهما طال الحال لابدة نرحــــل / مـــوحال ايذا دام حال على حالو نردو خير الناس اذا ربي سهل / / مـتمـــــــني ليام عــنا يطــوالو ونكرم من كان عنا مايـــــبخل / / يكثر خــــــــير الحاج هو ومثــــــالـو ونخلو جسر المحبة يتواصــل / نتفكر لحباب ديما ونســــــــــــــــــالو
غيث الرحمة يدوم عنا يتنزل / باه يعــــــم الخير وطنــــــــي بكمــالو
وبالصلاة على النبي قولي يكمـل في خاطر لحبـــــــــــاب ما قلنا والو
28/11/2011********كلمات الشاعر-العيد دبوسي
عين الحجل في نوفمبر2011
اهدي هذه الكلمات المتواضعة الى صديق الشعراء والرفيق الطيب في الكثير من التنقلات الاخ والعم والصديق الحاج علي داودي ومن خلاله اهديها الى كل المخلصين من ابناء وطني الجميل جزائر الحب والكرامة والشهداء والابطال والكرم ونيابة عن كل شعراء الوطن الذين عرفوا الرجل وعايشوه اهدي هذه الكلمة وشكرااااااااااااااا
الديمقراطيه الأمريكيه أشبه بحصان طرواده الحريه من الخارج ومليشيات الموت في الداخل... ولا يثق بأمريكا إلا مغفل ولا تمدح أمريكا إلا خادم لها !
