تسجيل الدخول

........صباح الخير على الجلفة .....


صباح الخير على الجلفة دار بدار
وألف صباح الخير يا سيدي نايل
يا من انت بالكرم موصوف خيار
ووصافك لحاتم الطائي شامل
الطيبة والجود موصوفات اخبار
من عرفك لخصايلك راه إماثل
نيف ورجلة والوفا دايم نعار
وتسلك من جاك في همو حاصل
سيدي نايل مزال موجودة لثار
في اهلك وولادتك زين افضايل
والجلفة هي الخيمة كي تحمّار
البيت الحمرا بالبها حار العاقل
انقدم اوصافها للي حضار
وعارف روحي ما نوفي للكامل
بيت خفيفة اصلها صوفة واشعار
بالفلجة تستافها ماهو ساهل
مرفوعة فالوسط بركايز تقدار
وفالمركز قنطاسها هز المايل
الطريقة ووتاد وعمود العرعار
مشدودة ومتــــــــــنة بر وداخل
مقسومة بالخالفة وعمود ستار
مقسومة بين المرا وضيف الراجل
ومفروشة بفراش خملة ملخيار
صنع أيديها بنيتك سيدي نايل
معروفة بالزين نجمة ملقمار
ومتحوفة بخلاق زينة وخصايل
مثل العارم صانها حاذق لطيار
فارس مولا بيتها راحل جايل
عدال الميعاد يرسمهم لشعار
بالحكمة فاصيح لكثير امسايل
القصبة والنايلي تشفي لضرار
لحن امسافر راه في البر وصايل

......قد يتبع ....

الله الله
اولا احذف قد من قد تتبع لاننا نريدها ان تكتمل هنا
وثانيا لاتغب عنا كثيرا ايها الشاعر الفحل.
هد خاطري وتنسم بلاد لخيار=وصديت شور الجلفة نتمايل
وفي بالي نتكتب عنها لشعار=ونزور بر الولياء والنوايل
نسلم على الحاطين واللي خطار=واللي حوس البرو في القوايل
ويعطيك الصحة شاعرنا صالح.

اشكر كرم المجاملة الإطراء صديقي الكريم ....أورنيم .شكرا .

شاعرنا الجميل صالح
هي الحقية قلناها فلا اطراء ولا كرم مجاملة إنما هي لذة نصوصكم تجعلنا نرد بما يليق.

معروف عليكم ناس خيـار
ناكرجودكم عدالو مايـــــل
من بسكرة نحييكم جهـــار
وسلامي لولاد سيدي نايل

حروف قصدت وإلا خــــروف
الموجود من لثنيــــن يهنّــــــي
لكن إذا شبعت الكرش معروف
تقول للراس يا راس غنّــــــي

مرحي اخي ابواسامة اراك شاعر هنا وياريت تشاركنا اشعارك .