تسجيل الدخول

كانت ليلة مظلامة بالنسبة ليا
مشيت وحدي تحت الشجر
واحد ماهو حاس بيا
خزرت للسما لقيت القمر
تبان عليه قوة الشخصية
كان جوهرة ماهو حجر
حسيت فيه روح انسانية
قالي انت من البشر؟
ولا فراشة راهي منسية؟
قتلو انا راني في خطر
والله وحدو يعرف لي بيا
نتمنى الموت بالاك القبر
ارحم من لي راهو فيا
قالي يا مخلوقة وراه الصبر؟
وراهي الثقة والصفا والنية؟
قتلو هذوك ماتوا عندهم شهر
قتلتهم الذئاب البشرية
قالي هذا اسوا خبر
سمعتو في تاريخ الانسانية
قتلو مكتوب قضاء وقدر
قالي ماتخميش انا نديرك في عينيا
نبنيلك من الياقوت قصر
انت يا ممو عينيا
نسييك لي صرالك من شر
نبعدك على خدع الدنيا
بت هذيك الليلة فيه نخزر
وناسية اني انسانة مكوية
في الليلة لي بعدها لقيتو بيا غدر
راح وخلاني مع اشكال هلالية
بقيت عيه نبكي مدة شهر
وجات الليلة لي مدلي فيها هدية
رجع فيها القمر
وقالي وراكي يا البنية؟
قتلو راني على فراقك نتحسر
قالي ماديريش عليا
انا على فراقك نتجبر
قتلو الفراق عندك منهجية
تروح وتولي وتتبختر
تولفني فيك ومن بعد تخليني في اسوا عشية
قالي راني دايما فيك نتفكر
قتلو عاهدني ماتخلينيش من هذ الامسية
بتنا نضحكو حتى الفجر
وفي الليلة لي بعدها زاد خلاني مرمية
عاود رجع بعد شهر
قتلو انا مانيش نفس الطفلة النية
قالي هذي خدمتي تكوي كي الجمر
نبقى ليلة والفراق واجب عليا
قتلو اذا هذي حياتك انا مانقدرش نصبر
انا نروح وندعي ربي يفرج عليا
كنت غالطة كي طلبت المساعدة من حجر
وربي العالي معاية في كل امسية
مايخليني لا الليل ولا الفجر
ويسمعني كي ندعيه كل عشية
هذا قراري وانا نخير
اني نخطي كل الكائنات الحية
ونبقى غير في ربي نفكر
هو وحدو لي يخرجني من لي راهو فيا
:1 3:

الله عليك.. راكي فوق المستوى..
أسلوبك رائع رائع رائع واصلي تألقك..

الرائع مرورك اختي بارك الله فيك وسدد خطاك

ماشاء الله راكي مبدعة حتى بالدارجة نتمنالك التوفيق والنجاح
نقولك حاجة تهنيتي من القمر باينة تضالي سهرانة معاه كيفي
تهنيتي منو بقيت انا

انت الرائعة بتشجيعك المتواصل لي

.....بسم الله ....ما شاء الله......
ما كنت نضن بلي انتي تتحدايني بهكذا ....شعر حر ....موزون ومطرب للاذان....ويهمي الدمع له طوعا من العيون.........لكن هذه المرة انتي نلتي مني حقا ........لا تفرحي كثيرا ......لانني كنت اخفي انا الاخر .......شعرا لسوف اتحدى به الكل.........وفوزي هو المحتوم هههههههه.......اختي مايا لكي طاقة استثمريها ........ما شي كي بحالي انا راني غير نسنا الوقت .........والوقت مراح يدوم...........مباركة اختاه وسدد الله دربك...

زمن الوصل..........ماعليش ماعليش او ماعليش راني مستعرف هدي المرة بصح خودي حدرك من .......زمن الوصل......القائد الجديد.......العائد بقبضة من حديد هههههههه.......تقييمي ليك بكل الصراحة ....75...بالمئة انا صافي راني في ....40....ادا كنت منحاز الى نفسي شويا....للاسف......ماعليش....راني موجدلك .....عفسة شابة.....وجدي روحك هههههههه....

شكرا جزيلا لك يسعدني رايك فهو شهادة اعتز بك
انا في انتظارك يا زورو فلا تنسى ان هذا التحدي لا يزال قائما
فعلا انا متشوقة لقراءة ابداعك

بلقيس دائما على اهبة الاستعداد يا زورو

تتألقين كلّ يوم ولاآ تدعي إأبدآعاآ إألاّ وجرّبته....

قـرأت الكلمأآت وأناا أإبتـسم من جمأآلهاآ ومستمتعة بمعاآنيــهاآ...

كنت سأعطيك تقييـماآ بنجوم تستحقّينهاآ لكن سبقوني...

وأآصلي على هذاآ التألّــق ووفّقك الله