تسجيل الدخول

يقول تعالى إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ )

ابا جهل نهار كامل قاعد في القهوة
يبدء النهار في بيرو نتاع التيارسي في قهوة ويختمو بالدومين
-السلام عليكم..اعطينى كارينى نروح نعمرو
يعطيلو مول البيرو كارنى ويروح للطابلة يشوف كريمو جايز يعيطلو
ايا كريمو نعطيك عقلية بصح بيناتنا جانى خيط صحيح من شون دو كورس نتاع خروبة نعطيك خمس نمروات يخرجو مكاش اللعب.. ولى يجى يلعب يعطيه عقلية باش يبان بلى هو فور
يخرج من القهوة في الطريق يلقى جارو الصغير
صح وليدو ..واش راك قاعد في الحومة...روح بوجى نافيقي انا نهار كنت قدك ..ماخليت بار... ماخليت كباري..بصح ضرك تاب عليا ربي الحمد لله ..بصح انت بوجى مازالك صغير
يروح للدار يتغدى وكي يكون راجع يتلقي بموح
صح موح ايا نروح نتقهواو
-يعطيك الصحة تقهويت
-ارواح نحكيلك الجديد
-واش من جديد عندك
-قالك سامية جارتنا لى تقرا في جامعة راهى دايرة حالة انا كانت تبانلي عاقلة
وفاطيمة لى مات راجلها عام لى فات قالك نار تحت تبن (يؤذن المؤذن)
راه يؤذن نروح نصلي زوج ركعات هذوكهما الصح لى تلقاهم في قبرك بعد الظهر نزيد نعطيك الرسمى
-يخرج من الجامع يشوف واحد يتصدق ..على لاجئ سوري
يروح ليه ويقولو هذو السورين يوالفو يطلبو ضرك مايروحو يخدمو مايولو لبلادهم احرز دراهمك تلقاهم
يروح للقهوة
يلقي عبد القادر يسقسيه كيفاه راك
-مانيش مليح
-علبالى ماراكش مليح لحقنى خبرك بيع وتهنى من تقربيع راك تشوف الطفل هذاك لى راه يلعب في الزوبية ويسب الغاشي ويرميهم بالحجر المراءة كيفو ماتتعاشرش ننصحك لوجه الله طلق
انا نقولك راى وانت دبر راسك

تلحق العشاء يتوضا يجبد مشوارة فيها مربعات حمورة وبيوضا يمسح نيفه ييصلى ويروح يرقد

وفي اخير نقوللكم ياجماعة ماشفتوش جاجة مربوطة بخيط احمر في رجلها هربيتلى في منتدى

هههههههههه يدير هادو كامل و يقولك تبت و يروح يصلي صح منو

ههههههههه منين ذاك نتلقاو في مجتمع مع شخصيات كاريكاتورية راسك يحبس

راهو حبس ديجا

ومازال يزيد يحبس مع قصصي جاية

ايا مليح السيد قراعج و انت اكثر منه لانك تتبعت خطواته خطوة خطوة
باين عليك تعرفوا مليح و الا فكيف وصفت ادق التفاصيل
هههههههههه عجبتني مليحة

ههههههههههههههههه يمكن نكون نعرفو يمكن حكاولي عليه يمكن نكون انا

يعطيك الصحة على سيركيلاسيون لى درتيها في موضوع منال

لا شكر على واجب

السلام عليكم

قصة تكاد تكون واقعية...

بصاحة أعجبني توقيععك

لك كل الثناء