المعقودة و السر الخطير لنجاحها
12-07-2014, 11:59 PM
كاين بزاف ما تنجحلهمش المعقودة لكن بهاد الطريقة إن شاء الله بإذن الله تنجحلكم .
نحتاج أولا بطاطا مقطعة و مغلية مع شوية ملح كي طيب نصفيها من الماء و نخليها حتى تبرد مليييييح مليييييييييح باش نرحيها لانو كون ترحيها و هي سخونة المعقود ما ينجحلكش
كي نرحوها ممكن بالفرشيطة أو أداة يدوية خاصة بالبطاطا
بعدما نرحيها نضيفلها الهريسة أنت و شحال تحبي + ملح+معدنوس مقطع+فلفل أسود+ ثوم رابي و نخلطهم مع بعض
في إناء ندير كمية من الفرينة ( الفرينة على حساب واش عندك كمية البطاطا)+ ماء + خمارة تاع الحلوة باكي + ملح و هادي الخلطة السرية اللي نغطس فيها المعقودة لازم نوجدها الصباح كي نوض و نخليها تريح حتى لوقت الاستعمال و القوام تاعها يجي كيما الكريب
نشكل خليط البطاطا على شكل معقودات و نغطسهم في خليط الفرينة و نقليهم في زيت سخون بعدما يحمارو نحطهم على ورق باش يتشرب الزيت ثم نقدمهم مع ليمون
شهية طيبة
نحتاج أولا بطاطا مقطعة و مغلية مع شوية ملح كي طيب نصفيها من الماء و نخليها حتى تبرد مليييييح مليييييييييح باش نرحيها لانو كون ترحيها و هي سخونة المعقود ما ينجحلكش
كي نرحوها ممكن بالفرشيطة أو أداة يدوية خاصة بالبطاطا
بعدما نرحيها نضيفلها الهريسة أنت و شحال تحبي + ملح+معدنوس مقطع+فلفل أسود+ ثوم رابي و نخلطهم مع بعض
في إناء ندير كمية من الفرينة ( الفرينة على حساب واش عندك كمية البطاطا)+ ماء + خمارة تاع الحلوة باكي + ملح و هادي الخلطة السرية اللي نغطس فيها المعقودة لازم نوجدها الصباح كي نوض و نخليها تريح حتى لوقت الاستعمال و القوام تاعها يجي كيما الكريب
نشكل خليط البطاطا على شكل معقودات و نغطسهم في خليط الفرينة و نقليهم في زيت سخون بعدما يحمارو نحطهم على ورق باش يتشرب الزيت ثم نقدمهم مع ليمون
شهية طيبة