تسجيل الدخول

السلام عليكم ورحمة الله وبركاته
قلتها سابقا في هذا المنتدى وحتى في النقاش الذي كان يدور بيني وبين اصدقائي ان التغيير في الجزائر يستحيل ان يكون عن طريق الانتخابات لان الدولة (الادارة )التي تنظم الانتخابات هي في الاصل لم تصل الى السلطة عن طريقها بل بطرق يعرفها جلنا
لهذا لا تنتظروا التغيير في الجزائر عن طريق الانتخابات فالوضع أكثر تعفنا من ان يتم بها
وللتوضيح لست من دعاة الثورة او مايعرف بالخريف العربي لكن فقط اؤكد بان نظرية التغير عن طريق الانتخابات خاطئة في الجزائر
-ثم لنفترض ان أي حزب اخر غير الافلان قد فاز اليوم هل كان سيحصل تغيير الجواب الاكيد هو لا
شكرا لكم ونسأل الله ان يحفظ الجزائر من الفتن ماظهر منها ومابطن وان يجعل كيد الاشرار "الخلاطين (1)" في نحورهم

--------------
(1) الخلاطين : هم الذين يصطادون في الوحل وما اكثرهم في بلدنا

السياسة في بلدنا معقدة و فيها كثير من الكواليس ،،

التغيير يبدأ من الفرد : كل واحد فينا يغير نفسو ،،

بدل ما نشتغل على انتقاد الآخرين و المقارنة بلدنا بمن هو أحسن او اسوأ منها ، خلينا نغيرو افكارنا و نحوسو على الحلول التدريجية اللي تخرجنا من تخلفنا ،،

السلام عليكم
هل من توضيح أو خطة طريق لو سمحت ؟

- يا سي عبد الوهاب أعطينا حل يخرجنا من هذه المشكلة . ربي يجازيك .

أهلا أخي نورمال.
ما رانيش نورمال، وكي نولي نورمال، نورمالما نلقى الحل، و كي نولى نورمال ونلقى الحل، سي نورمال راح نعطيهلك......... وبلا مزية

إذن كيف سيحدث التغيير ؟
[بعيدا عن النظري]

اكيد و يسعدني ذلك ..


هههه .. يعني انت يا سيدي ماراكش نورمال كيفاش راح تفهم عليا ؟

و لكن يالله نشرح و ان شاء الله كي تكون نورمال تفهمني ::

كل واحد فينا يغير نفسو معنتها يا سيدي انو كل واحد فينا يطور فكرو بالتعلم و التكوين و الالتزام بالقوانين المدنية و الشرعية و يتحمل مسئوليتو في المكان اللي راه فيه و يقول انا لها ... يدير اللي عليه بمعنى :

انو الطالب ما يغش في الامتحانات وما يحوس على المعريفة باش يطلع العام و كي يتخرج يقولك انا جامعي بطال ،،

و الفريملي ما يجوز معريفتو لعند طبيب و يخلي الشيخ تع 90 يسنى او مبعد يقولك انا محقور ،،

و كل واحد يخدم لعند الدولة ما يسرق اشياء من مكان العمل و ما يدخل عالعشرة تع الصبح او مبعد يقولك اللي حاكمين بلادنا سراقين


وووووووو ...

كل واحد يلتزم في خدمتو و من مكانو ما ياكل حق الناس و ما يسمح فحقو و ما يقولش بلي مادامها بلادنا تمشي كلها بالمعريفة يلا انا ثاني نمشي بالمعريفة ،،

و كي يتغير الفرد يغير اقرب الناس اليه عايلتو و العايلة اذا صلحت صلح المجتمع و اذا صلح المجتمع اكيد ماراحش يسكتو لحاكمهم

و للتوضيح أكثر تفضل هنا سيدي

حكمة رائعة !