أنا نعذبك
15-06-2008, 10:55 AM
أنا نعذبك
نيرانك في قلبي لشعلتيها راهي اليوم طفات.
جروحك في قلبي راهي اليوم برات.
ذكرياتك في بالي راهي اليوم تنسات.
القلب لكان يخاف عليك و العين لتشتاق ليك و البال لكان يفكر فيك
اليوم سمحو فيك ما عدتي تهميهم.
أحزانك ما يحزنوني ،أفراحك ما يفرحوني،أخبارتك ما يهموني
،فعايلك ما يجرحوني .كل شيء عاد من الماضي.
ليالي العذاب بيك كملت و خلاصت و اليوم تبدى أنت يماتك ،تحسي
بحرقة نيرانك و بعذاب فراقك و أنا بعيد نتفرج على حالك.
دموعك تفرحني كثير ،آلامك تزهيني كثير نعود نضحك عليك حين
نشوفك و تترعدي فالطريق حين نقابلك،تعودي ترايني واقف في
منامك ناديلك بأسمك نكلمك و نقولك نحبك و نهواك،نشدك من يدك
و نحدق في عينك و نطق لسانك.حين تنهضي من رقادك ما تلقيني
قدامك يحزن حينها قلبك و تطيح الدمعة على خدك .
نهار عرسك تتصدري و تديري الخاتم و تتصوري مع ناسك الفرحة
ما تبان على وجهك ،تغيب الضحكة عن شفك الحزن و
الأسى و الهموم ضيافك تهربي و تعيشي ذكرياتك و تحني ليمات لي
جوزتيها معايا في صغرك
كل لحضاتك ،كل وقاتك و طول حياتك تسمعي صوتي بلا ما نتحدث
معاك ،تراي وجهي بلا ما نكون حذاك و تعيشي معايا بلا ما نكون
معاك.
طول حياتك نبقى أنا معذبك ،معذبك،معذبك............
كل هذا جزاء خيانتك..........
بقلمي : بورقى بشير
علاش اسيدي ربي
راهي ديمة تعذب فيا
علاش هكذا ملكت قلبي
راحت و داتوا بعيد عليا
راهي ديمة تعذب فيا
علاش هكذا ملكت قلبي
راحت و داتوا بعيد عليا
من مواضيعي
0 قولـــي و عدلــي يـــا قمــــــــــر
0 قصتي معاك يا....
0 قصــــة حبنـــــا
0 ســـــــــــري المخبـــــي
0 سأبقـــــــــــــــــــــى أحبـــــــــك
0 الـــــقـــــــــــــرار
0 قصتي معاك يا....
0 قصــــة حبنـــــا
0 ســـــــــــري المخبـــــي
0 سأبقـــــــــــــــــــــى أحبـــــــــك
0 الـــــقـــــــــــــرار