تسجيل الدخول

السلام عليكم ...
.
.
.
.
.
.
هذا مطلوعي ..
.
.
طريقة التحضير: (للاسف ما صورتش الخطوات) ..
.
.
--انا استعمل السميد وحده يكون لونه اصفر ماشي رطب ...
يعني كي تتحسيه بيديك يجيك حرش ششوية ركزي على شوية ...
السميد الاصفر حنا عادة هو اللي نفتلوا بيه الطعام .....
--نعبر بالغرفية يعني كل غرفية تصنعلي خبزة
--استعمل الخمارة تاع البودر الرقيقة ماشي (الغليظة تاع الميزان) نعبر بالملعقة تاع القهوة في كل ثلاث خبزات ندير مغرف وحدة لأني نتحسس ريحة الخمارة في الخبز
--نحط السميد في القصعة و نزيدلها الخمارة (تقدري تضيفي السانوج و حبة الحلاوة) نخلط مليح ثم نضيف الماء لازم يكون دافي يعني فاتر و لمي العجين ما تكثريش الماء ديري شوية شوية كي تلمي العجين
ادلكي ادلكي تحسي العجينة يابسة بصح ادلكي و ادلكي و ادلكي(ادلكي بكفك ) و هكذا بصح لازم تكوني خفيفة في الدليك على خاطر قادرة تتخمير في يدك و تضيع فايدة الدليك ثم ديري الماء شوية و ادلكي و شوية و عاودي ادلكي ثم
ضعي الملح في القصعة ديري عليه شوية ماء ثم حطي فيه العجينة و ادلكي لاخر مرة كي تحسي العجين شرب كل الماء هزي العجينة و ديري شوية فرينة في القصعة و حطي العجينة تسهلك عملية التقراص
قرصي الخبيزات على حساب العبر الاول اللي درتيه
ثم حلي بالوحدة استعملي اصابع يدك فقط و سمسلي بالفرينة
حطيها فوق الطرشونة او المنديل الخاص بالخبز و غطيها ثم ضعي الاخرة فوقها و هكذا .....
حطيها في مكان يكون دافي باش تطلع بالخف
.
.
.
.
.
اغسلي قصعتك و ديري فنجال قهوة ربعي راسك و قارعيلها تطلع .
.
.
.

كيفاش تعرفيها طلعت ؟؟؟
اذا شفتيها اتنفخت و لا شفتي حبات بيوضا من الفوق
سخني طاجينك و حطي خبزتك و عسيها و قلبيها .....
الكويزينيار تكرّه في الطياب
حوشيها و حطيها في سلة الحبز و غطيها بالمنديل باش تبقى طرية
(اساس نجاح المطلوع نوعية السميد + الخمير + الطاجين اللي طيب فيه و درجة الحرارة .... لكن مطلوع طاجين الحديد ابدا ما يوصلش لمطلوع طاجين الطين عندوا بنة خاصة .... للاسف ممنوع عليّ هنا )
.
.
.
.

.
.
.
.
.
.

.
.
.
.
.
.

.
.
.
.
.
.

.
.
.
.
.
.
.
و هذا العشا ...
.
.
.
.
.

.
.
.
.
.
.

.
.
.
.
.
.
.
مع شوية سلطة و الحمد لله حنا تعشينا ...
.
.
.
.

مممممممممممممممممممم
الله يبارك في بنتي الفحلة
ربي يصون و يحفظ
مطلوع سخون و شهي
و بروشات باربكيو في الدار ...ريحتهم جات حتى لعندي
تاكلو بالصحة و الهنا

أسرعت في الكتابة و بعثت مممممممممممممممم هي الأولى
لكي لا تسبقني أم هديل

و الله يا هاجر طلتك في المنتدى بثقل الذهب.

مطلوع الحراير

و سيرتو كي سمسلتي

الصح الصح انا حسبتك قَ تاع شوبينڤ ما تعرفي طّْلْعِي ما والو

.
.
.
.
.
.
و يبارك فيك والله ردودك تقتلني بالقدر ...
ربي يحفظك و ما يحرمني منّك ...
.
.
.
راكي تشوفي و ما بغاوش مام با يديرولي شهرية ...
ماعليه نحتسب الاجر و خلاص ...
.
.
.

يعني انا اللي طلتي من نحاس

.
.
.
.
.
مازال ما شفتيش مطلوعي تاع طاجين الطين ...
تحلّي فمّك ...
.
.
.
بيان سوغ نسمسل و في رمضان نطلع بالخميرة ...
.
.
.
.
.
كاش نهار نوريك طعامي ...
.
.
.

.
.
.
.
.
الالف هاذيك خسرت المعنى نحيها خير ...
.
.
.

خالتو انا نعجن كل يوم بصح نعجن بالسميد و الفرينة
ما نعرفش نعجن بالسميد وحدو

شوفي ندير نص سميد و نص فرينة ( سميد الڤمح الله يحفظها ماما ديما ترسلي )

و ندير الخمارة و الخْميرة ( اوبليڤاتْوارْ ) و السانوج و حبة الطيبة

و الماء دافئ و نخلط العجينة و نلمها بلا دليك و نخليها في مكان دافئ تخمر

و نروح نقضي صوالحي و كل مرة نخسرلها الخْمور

من بعد ندلكها سَانك سانْك و نْڤَرصها و نخبزها و نحطها في حْولي في طْبْڤْ تخمر شوية

و نطيبها في طاجين فخار ماشي في زَنْڤَة