*بُوجَملِينْ*
03-12-2015, 08:45 PM
*بُوجَملِينْ*
يَا عَاشْقِينْ كِيفْ اعْمَالِي *** رَانِي افْنِيتْ وَ الضّرْ اسْكَنْ لَدْخَالْ
نَدِيتْ يَا حْنِينْ اسْغى لِي *** يَا مُوَنَّسْ الغَرِيبْ فِي الوْطَا و جْبَالْ
رَبِّي اعْطَاكْ قَدْرَكْ عَالِي *** تَنْدَهْ بِيكْ لَلْغِيثْ نْسَاء وَ رْجَالْ
خَفَّفْ لِيعْتِي و اهْوَالِي *** أنَا غْرِيبْ جِيتَكْ وَ بَغِيتْ انَّالْ
جَاهْ الكَرِيمْ شُوفْ لْحَالِي *** لاَ تْخَلِّي القُلُوبْ علِييَا تَكْحَالْ
اعْزَمْ بَالدّْوَا لَعْلاَلِي *** يَا غُوثْ كُلْ مَلْهُوفْ طُبْ المَعْلالْ
لَلَّهْ فِيدْني يَا وَالِي *** بُو جَمْلِينْ رَانِي جِيتَكْ سُوَّالْ
لَلَّهْ فِيدْنِي يَا وَالِي ***
بُوجَمْلِينْ جِيتَكْ زَايَرْ *** فَاجِي كُرْبَتِي وَ اضْرَارِي
هَوْلِي كْثِيرْ مَانِي قَادَرْ *** وَسْطْ الدَّلِيلْ لَهْبَتْ نَارِي
الفَكْرْ طَاشْ صُرْتْ امْحَيَّرْ *** وَ الشّوقْ هَزْ لُبْ افْكَارِي
ضُوِّي الطَّرِيقْ لِيَا تَظْهَرْ *** وَ اجْلِي الظَّلاَمْ عَنْ تَفْكَارِي
بْلاَ سُؤَالْ شوفْ لْحَالِي *** فَانِي مْنَ الجَفَا مَتْهَرَّسْ مَعْلاَلْ
وَ الهَوَى صْعِيبْ رَادْ قْتَالِي *** بَجْيُوشْ صَاقْلِي وَ عْصَاكَرْ غَلْغَالْ
وَ اهْزَمْ سُلْطَانْ ادْخَالِي *** بْقِيتْ غِيرْ جُثَّة وَاقَفْ خْيَالْ
لَلَّهْ فِيدْنِي يَا وَالِي *** بُوجَمْلِينْ رَانِي جَيتَكْ سُوَّالْ
لَلَّهْ فِيدْنِي يَا وألِي ***
ابْقِيتْ غِيرْ جُثة وَاقَفْ *** بَارُو الحِيَالْ دِيرْ امْزِيَة
يَا شِيخْ جِيتْ لِيكْ اتْصَرَّفْ *** اعْزَمْ بَالعْلأجْ لْدَايَا
حَنَّنْ قَلْبْ وَرْدَة يَعْطَفْ *** اللِّي مْشَاتْ وَ بْلاَ سِيَا
خَلاَّتْنِي هْمِيمْ مْصَادَفْ *** وْبْلاَ وْدَاعْ سَمْحَتْ فِيَا
انْوِيتْ فِيكْ دَرْتْ أمَالِي *** بْجَاهْ هِيبْتَكْ يَا بُو زُوجْ جْمَالْ
وَ بْجَاهْ مَنْ جَعْلَكْ وَالِي *** رَضِّي الجَافْيَة مَسْبُوغَةْ لَنْجَالْ
مَنْ وَحْشْهَا كْثَرْ تَهْوَلِي *** الصَّبْرْ ظَاعْ مَنِّي وَ جْفَاهَا طَالْ
للّهْ فِيدْنِي يَا وَالِي *** بُو جَمْلِينْ رَانِي جِيتَكْ سٌوَّالْ
للهْ فِيدْنِي يَا وَالِي ***
وَحْشْهَا اخْذَا صَبْرِي مَنِّي *** وَ العِينْ بَاكْيَة صَهْرَانَا
نِيرَانْ فِي ادْخَالِي تَسْنِي *** وَ القَلْبْ مَا اقْدَرْ يَتْهَنّا
دَمْعِي عْلَى الخُدُودْ افْضَحْنِي*** نَرْجَى افْضَايْلَكْ تَجْمَعْنَا
انْدَهْتْ بِيكْ قُولْتْ تَنْجَدْنِي *** فِيك الرّجَا اعْطَفْ عَالْمُوضْنَى
مَنْ حَالْتِي اقْرَا سُؤالِي *** حَالِي نْحِيلْ يَنْبِي عَنِ السُؤالْ
حَالَتْ الغَرِيبْ مَالُو وَالِي *** لاَ أهْلْ لاَ اوْنِيسْ لاَ مَنْ عَنِي سَاالْ
وَإذَا اشْتَكِيتْ مَنْ يَسْغَى لِي *** دُونَكْ غِيرْ رَبِّي يَعْلَمْ لَحْوَالْ
للهْ فِيدْنِي يَا والِي *** بُوجَمْلِينْ رَانِي جِيتَكْ سُوَّالْ
للهْ فِيدْنِي يَا وَالِي ***
لُو صَبْتْ مَنْ ايْجِيبْ خْبَرْهَا *** انْكُونْ لُو اخْدِيمْ انْطِيعُو
وَلْفِي مَنْ شَاعْ بْهَاهَا *** وَرْدْ اللِّقَاحْ شَاوْ رْبِيعُو
الغُصْنْ غَارْ مَنْ طَلْعَتْهَا *** سُبْحَانْ مَنْ انْشَاهْ وصَنْعُو
عَنْدْهَا اسْرَارْ فِي اوَصَايَفْهَا *** الزِّينْ وَ الأخْلاَقْ أنْجَمْعُوا
حُسْنْهَا البَدِيعْ زَادْ هْبَالِي *** زِينْهَا فِي جِيلْنَا ظَرْبُو بِيهْ امْثَالْ
مَلَاكْ مِنَ الجْنَانْ العَالِي *** مَثْلُو فَرِيدْ مَا لَمْحَاتُو لَنْجَالْ
وَ انَا انْكُوَاتْ بِيهْ ادْخَالِي *** مَصْهُودْ مَنْ هْوَاهَا جَمْرِي شَعَّالْ
للهْ فِيدْنِي يَا وَالِي *** بُو جَمْلِينْ رَانِي جِيتَكْ سُوَّالْ
للهْ فِيدْنِي يَا وَالِي ***
نِيرَانْ فِي ادْخَالِي لَهْبَتْ *** وَ العَقْلْ طَارْ شُورْ الجَافِي
خَلاَّتْنِي عَلِيلْ وْ راحَتْ *** بَعْدْ الوَفَاء اتْرُومْ خْلاَفِي
أعْطَاتْنِي العَاهَدْ وْ خَانَتْ *** وَ انَا كَانْ حُبِّي صَافِي
نَهْدِيلْكْ هْدِيَّة إذَا رَجْعَتْ *** رَانِي عَلى العَاهَدْ وَافِي
تَمِّيتْ يَا الفْقِيهْ اقْوَالِي *** و اسْمِي انْبَينُو يَا فَاهَمْ لَقْوَالْ
يَدْرِيهْ كًلْ مَنْ يَسْغَالِي *** اسْمْ السَّعِيدْ بُويَا وَ الجَدْ رِيَّالْ
مَنْ أهْلِ الكَرَمْ رْجَالِي *** مْعَمْرِينْ كُلْ مِيدَانْ أسُودْ ابْطَالْ
مَا تَلْقَاشْ فِيهُمْ تَالِي *** مْعَ الَحَقْ يُوقْفُو ضَدْ االظُّلْمْ رْجَالْ
للهْ فِيدْنِي يَا وَالِي *** سِيدِي الفَقِيهْ رَانِي جِيتَكْ سُوَّالْ
لَلهْ فِيدْنِي يَا وَالِي ***
*تَمّتْ بِعَوْنْ الله*
*مُحَمَّدْ رِيَّالْ*
من مواضيعي
0 يَا مالكي اعفو
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
0 تَبْكِي عَلَى ابْكَايَا
0 الحب رحمة
0 اللهُم صَلِّ علَى الحَبِيبْ
0 اللهُم صَلِّ علَى الحَبِيبْ
0 أهْ مَنْ غَدْرْ اللِّي حْسَبْتُه حْبِيبْ
التعديل الأخير تم بواسطة محمد سعيد ريال ; 11-12-2015 الساعة 04:55 PM