تسجيل الدخول

السلام عليكم

حنة العروسة هي من اجمل الأيام في لحظات كل امرأة

فهي ستكون أميرة الحفلة و كل الأعين تترقبها

يا ريت كل شروقية تحكيلنا على الحنة و التصديرة و الحلويات و كل ما يتعلق بتلك الليلة الجميلة


إليكم المايكروفون

بســــــــــــــــــــم الله الرحـــــــــــــــمن الرحـــــــــــــيـم
welkom to bouzidia
واش نحكي واش نخلي احم احم :
ما كاش خير من العرس الشاوي الاصيلي يا ام هديلووووووو (نحكي على عرسي انا)
اول حاجة هي الحنة الي نقولولها بالشاوية "ايظ نسليث" يعني ليل العروس مان ديرو والو يجيبو لا تارتو جمييييع الدووووووووووووراات هادا ماااااااااكاااااااااااااااااااااااااااااااااااان الاخلاف الوحيد هو ان ام العريس لا حضر هي و ابنها و يجب ان تكون هديتها لعروس وشاحها القديم ...................الف مبروووووووووك شكرا ام هديييييييييييييييييييييل على الفكرة

هادو صور من عرسي ،اختي سماح وضعتهم باحد المنتديات:
من عرسي :

اشيء القديم الذي اهدته لي عجوزتي التي القبها امي

السلام عليكم
بوركت ام هديل موضوع جميل

عندنا ليلة الحنه عند وصول اهل العريس بطبق الحنه و الطبق و حقائب مليئة بتصديرة العروسة
وكل تجهيزات الحنة تكون في علبة

لعروسة تلبس الفرقاني تحني فيه مع السخاب و المحزمة



يدخل العريس ليلبس الخاتم او تلبسه امه او اخته ثم يحنون للعروس على (2 ليزات)



ثم يلبسونها المقياس


اكثرية العرائس يبكين ليلة الحنة

يوروا قش لعروسة قدام الناس لكاراكو و الفرقاني و الشاوي و القبايلي و الاحذية و جميع الملابس الي جابوهملها

بعد خروج اهل العريس تلبس العروسة التصديرة الي جابوهالها و تفوت قدام الناس و تلبس هي ايضا التصديرة الي خيطتها

اما العريس فيلتف به اصدقائه و يقيمون حفلة جميلة لتوديع العزوبية و تاتي امه مع عجوز للبركة و يحنين لكل الشباب العزاب

لي اضافة,,,,,,,,,

وعععععععععععععععععععع انا قاع ما درت حنة ما تعرضت في حناني ....
.
.
.
.
.
.
دودي عاود ديري حنتك و اعرضيني باش نكتب التقاليد هنا ..
.
.
.

احنا عندنا يجيو اهل لعريس يجيبو معاهم بياس مونتي -لاتارت-ويجيبو الشموع والحنة والريحة والماكياج والصابون ووووو و يجيبو لبسةوووو و منصورية وصندالة وعباية و وبزاف حاجات فالفاليزا ويجيبو الذهب ويحنولها بربع لويزات وووو
و ويحنولها ويحطولها الدراهم هههههههه

واهل لعروس يوجدو5انواع تع القاطو والمقوط والقريوش والخلوط او القشقشة والبقلاوة ويديرو قهوة وحليب وليموناد وووو
وتدير قصعة شخشوخة مديكوريا بيان وسنيوات قاطو وتتصدر في جبة فرقاني وكاراكو وهندي وقفطان وقبايلي وتونسي وملحفة تع الشاوية لازمة واكيدة وووووووووووو

ويردولهم اهل لعروس نص لاتارت وانتهت الحنة ههههههههههه

ريان عادانا تقريبا نفس عاداتكم احنا برك بكري كانو يديرو الحنة وحدها والجرية وحدها وضك عادو يلموهم مع بعضاهم يعني يجيبو التكبيرة لي هي حقائب فيها البسة وماكياج وذهب يعني حسب مقدرة العريس والحنة والباقلاوة والبياس مونتي المهم والامور لي تتعلق بالحنة شموع وهاذيك المشاكل تاع التزواق والورود وكانوا بكري يرسلو الدفاعات يعني زروج عجايز كبار يجيو مع الحناية ويبقاو يباتو عند بيت العروسة وتتم الحنة المهم ويرشقولها الويزات والذهب والدراهم

انا هاذو الصوالح قاع مادرتهمش انا ضد التبذير نحب الالبسة التقليدية بزاف بزاف واكتفيت بالبسة اختي التقليدية ولي شراتها باسعار خيالية كان اول عرس في دارنا مي هاذا مايعنيش مانحبش نحضر الاعراس لي فيها التصديرة بالعكس نحبها ونحب نشوف انواع الحلويات ونحب بزاف ندير الشوبينغ مع عروسة

تقريبا نفس التقاليد


طاطا كنديرها نحكيلك

حنا تختلف تتصر العروس اولا بالشدة

ثم الكراكو

ثم البلوزة
تحني بيها و تلبسها بلا حزام
الحنة


و يستمر الاغاني و الاهازيج حتي بزوغ الفجر مع العديد من الالبسة التقليدية

/uploads/image/2014/01/05/0c324c4965f402.jpg[/IMG]

.........................................

ليت بناتنا في مثل تفكيرك يا شوكولا آيفون

اكتفيتِ بتصديرة اختك

آه من الحنّات و التبذير و التبذير و التبذير