تسجيل الدخول

المقادير
نحتاج 800غ فرينة حطيهافي الطاس واخبطي باه يخرج الهواء حتى توصلي ل800غ
500 مرغرين التوريق صالحة

نقوم بعملية تبادل بسيطة نقسم المرغرين شرائح نحط منها شريحة مع الفرينة وناخذ فنجان فرينة ونضيفه للمرغرين

]

نعجن المرغرين مع الفرينة ..ونعجن الفرينة والمرغرين وذرة ملح والماء حتى نتحصل على عجينة متماسكة نغلفها بكيس نايلون ونحطها في الثلاجة حوالي ساعة




الان نبدا عمليات الفرد والطي نبسط قطعة نايلون كبيرة فوق الطاولة نرش شوية نشاء**
نستعمل النشاء في كل مرة بدل الفرينة لانه يساعد على التوريق لكن ماتكثروش ** ونحلل العجينة وبجانبها نحلل المرغرين بوضع كيس بلاستيكي فوقها بحيث يكون حجم المارغرين ثلثي حجم العجينة


نقلب المرغرين على العجينة

نطوي الجزء الخالي من المرغرين فوق المرغرين


ثم نطوي الجزء الاخر هكذا

نلفها في الكيس ونضعها في الكونجيلاتوغ 10 دقائق وتعتبر هذه المرحلة الاولى **
نختصر الوقت بدل20 دقيقة في الثلاجة 10 دقائق في الكونجيلاتوغ **

نخرجها نضع الحلالة في الوسط ونبدا نحل من الوسط الى اليمين ومن الوسط الى اليسار دائما

نطوي جزء اليمين الى الوسط

ونطوي جزء اليسار الى الوسط



ثم الجزئين فوق بعض


ثم على اثنين


نلفها في الكيس والى الكونجيلاتوغ 10 دقائق هذه المرحلة الثانية



نخرجهاونحللها الى اليمين واليسار نقلب الجزئين الى الوسط ونطبقهم على بعضهم والى الكونجيلاتوغ وهي المرحلة الثالثة


ونضيف المرحلة الرابعة بنفس الخطوات
وبعد 10 دقائق نخرجها ونبدا التشكيل مباشرة انا قسمتهاعلى 3 أقسام
( تخرجي رابحة في لافار خير من اللي نشتروه من المحلات )


اخذت الجزء الاول ورجعت الاجزاء الباقية للثلاجة وليس الكونجيلاتوغ

حللته بسمك نصف سم وقطعته هكذا

وضعت على سينية ورقة الزبدة باش ما تلسقش

نطهيهم فوق ظهر صينية بعد ما نثقبهم بالشوكة جيدا





نحضر كريم شانتيي التي تباع في المحلات مع اضافة ملعقةصغيرة زبدة طرية


نمجزهم مع بعض وندهن الطبقة الاولى

ثم الثانية ونطليها والثالثة نضعها مقلوبة على الجهة المسطحة
(لم اصور هذه الخطوة لان العائلة طلبو مني ان احضر قهوة العصروانية )


ذوبت الشوكولا بيضاء واضفت له القلاصاج ( حبة بيض+سكر ناعم) وسكبته على الطبقات وزينت كالمعتاد بالشوكولاطة السوداء
وكريم شانتيي على الحواف
أما الوردة عملتها بعجينة اللوز ممزوجة بالكاكاو
الاوراق الشوكولاطة :
أخذت ورقة ليمون غسلتها مليح ودهنتها بالزيت ومن بعد دهنتها بالشوكولاطة ذايبة ونتركها تجف براحته ومن بعدننزعها بالعقل ونزينها فوق طورطة

حطيها تجف في مكان جاف وما فيهش الرطوبة وحذاري تحطيها في الثلاجة فيها الرطوبة اي الندى راح يتشربه الملفاي ويصبح طري ويفقد القرمشة
بعد ماتجف انزعي الحواشي بسكين حاد

وضعتها في علبة أخذتها لجدتي بمناسبة عيدميلادها والذي ناهز 79 سنة ( ما تسكنش بعيد علينا بزاااف)


في طريقي اشتريت شموع مدمجة بالموسيقى مقطع عيد ميلاد سعيد بصرااااحة جدتي بكت من شدة الفرحة وبدأت تدعيلي بالخير ..







هذا القاطو حطيته مع قهوة عشية



نتمنى ان ينال اعجابكم وبالتوفيق ان شاء الله